Almaty qalasy Qalalyq josparlau jäne urbanistika basqarmasynyŋ basşysy Almashan Ahmedjanov ūstaldy, dep habarlaidy "Adyrna" ūlttyq portaly.
«Sybailas jemqorlyq ısterıne qatysty jürgızılgen syrtqy taldau nätijelerı boiynşa Antikor Almaty qalasynyŋ jer qatynastary salasyndaǧy jüielı jemqorlyq faktılerı boiynşa qylmystyq ısterdı tırkep, tergedı. Qalalyq josparlau jäne urbanistika bölımınıŋ basşysy jer telımderın beru jäne nysandar qūrylysyna rūqsat beru kezınde qyzmettık ökılettıkterın asyra paidalandy degen küdıkke ılındı. Osylaişa, ol maqsatty taǧaiyndalǧanyna qaramastan jäne ǧimarattardyŋ tyǧyzdyǧyn eskermei, jeke tūrǧyn üi qūrylysyna arnalǧan jer telımderınde 2020-2023 jyldary jeke qūrylys ūiymdarynyŋ müddesı üşın üş köppäterlı tūrǧyn üi keşenın saluǧa zaŋsyz rūqsat bergen. Būl turaly särsenbıde sybailas jemqorlyqqa qarsy qyzmet habarlady. Nätijesınde, «sybailas jemqorlyqqa qarsy ıs-qimyl» boiynşa memleketke jer telımderınıŋ tölenbegen kadastrlyq qūny türınde 307 mln. teŋgeden astam şyǧyn keltırılgen. «Sonymen qatar, 2020 jyly medisinalyq punkt pen HQKO qūrylysyna zaŋsyz rūqsat bere otyryp (investisiialyq jobalardy jüzege asyru jeleuımen) jer telımderın baǧalanbaǧan baǧamen müddelı tūlǧalardyŋ jeke menşıgıne odan ärı negızsız beruge yqpal etken. Keltırılgen şyǧyn 180 million teŋgenı qūrap, küdıktı sot sanksiiasymen qamauǧa alyndy. Sotqa deiıngı tergeu amaldary jürgızılude, basqa da lauazymdy tūlǧalardyŋ qatysy bar-joǧy tekserılude», - dep tolyqtyrdy vedomstvo."Adyrna" ūlttyq portaly
Ūqsas jaŋalyqtar
