Kollaj Jİ kömegımen jasalǧan
AQŞ äkımşılıgı Vaşingtonnyŋ bastamasymen qūrylǧan Pax Silica tehnologiialyq aliansyna kıretın elderge Qytaidyŋ Jİ-dy damytuǧa baǧyttalǧan baǧdarlamalaryna qatysqan jaǧdaida, bırlestıkten şyǧaryluy mümkın ekenın eskertpek, dep habarlaidy "Adyrna" tılşısı.
Būl turaly Reuters agenttıgı habarlady.
AQŞ memlekettık departamentı Pax Silica qūramyndaǧy jäne Vaşingtonmen jasandy intellekt salasynda yntymaqtastyqqa müddelı 35 memleketke tiıstı hat joldamaq.
Agenttık mälımetınşe, qūjatta Pax Silica aliansyna qatysu belgılı bır mındettemeler jükteitını jäne onyŋ maqsattaryna qaişy keletın ūqsas bastamalarǧa qatar qatysuǧa bolmaityny aitylǧan.
Reuters mälımetıne säikes, qazır Pax Silica-ǧa jäne Qytaidyŋ osyǧan ūqsas tehnologiialyq bastamasyna qatar qatysyp otyrǧan jalǧyz el – Qazaqstan. AQŞ-tyŋ būl ūstanymy basqa memleketterge jasandy intellekt salasyndaǧy tehnologiialyq bäsekelestıkte Vaşington men Beijıŋmen bır uaqytta yntymaqtastyq ornatu mümkın bolmaitynyn körsetuge baǧyttalǧan.
Pax Silica jartylai ötkızgışterdı, asa maŋyzdy paidaly qazbalardy, energiia resurstaryn jäne jasandy intellekt tehnologiialaryn öndıru men jetkızudıŋ innovasiialyq tızbekterın damytu maqsatynda qūrylǧan.
Alians qūramyna Avstraliia, Ūlybritaniia, Germaniia, İzrail, Ündıstan, İtaliia, Bırıkken Arab Ämırlıkterı, Oŋtüstık Koreia, Japoniia jäne basqa da memleketter kırgen.
