Muǵalimderdi kúshtep jumsaǵandarǵa 303 myń teńge aıyppul salynatyn boldy

231

Muǵalimderdi olardyń jumysyna qatysy joq sharalarǵa kúshtep tartqandarǵa jáne olardan basyartyq esep talap etkenderge 303 myń teńgege deıin aıyppul salynady. Premer-mınıstr Asqar Mamınniń tóraǵalyǵymen ótken Úkimet otyrysynda «Pedagog mártebesi týraly» jáne oǵan ilespe zań jobalarynyń aqyrǵy nusqalary quptaldy. Endi bul qujattar Parlamentke engiziledi.  Úkimet basshysy «Pedagog mártebesi týraly» zań jo­basy Elbasy N.Nazarbaevtyń bas­tamasy boıynsha ázir­lengenin eske saldy.

Ol son­daı-aq Mem­leket basshysy Q.Toqaev­tyń orta bilim berý júıesin damytý jáne bilim sapasyn arttyrý jónindegi alǵa qoıǵan mindetterine jaýap beredi. Bul zań jobasyn ázirleýdiń negizgi maqsat-ıdeıasy – mu­ǵalim­derdiń júktemesin azaıtý, olardy ózderine tán emes ju­mystardy oryndaýdan bosatý, sol arqyly ustazdarǵa ózin-ózi damytýǵa jáne shyǵarma­shylyqpen aınalysýyna múm­kindik berý. Buǵan qosa, osy abzal mamandyq ıeleriniń jalaqysyn arttyrýǵa, eńbek demalysyn ulǵaıtýǵa, peda­gogtik sheberligi men tálim­gerligi úshin qosymsha aqy tóleýge baǵyttalǵan sharalar kózdelýde.

Aıta ketý kerek, bul zań jobasy óńir ákimderine jergilikti bıýdjet múmkindigine qaraı muǵalimderge qosymsha materıaldyq kómek kórsetýine múmkindik beredi. Tıisinshe, qaı óńir ustazǵa kóbirek qur­met-qoshemet kórsetse, bilim salasynyń eń úzdik, bilikti ma­­mandary da solarǵa aǵy­lady.

– Muǵalimderdiń kásibı turǵydan damýyna jáne bá­sekege qabilettiligin arttyrýǵa jaǵdaı jasaý josparlanǵan. Pedagog mártebesin arttyrý, olardy yntalandyrý mindeti de kózdeledi. Jalpy, zań jo­ba­syn iske asyrý muǵalim maman­dyǵynyń mártebesin arttyrýǵa, olardyń ar-na­mysy men qadir-qasıetin qorǵaýǵa, pedagogtar úshin áleýmettik kepildikter júıesin jasaýǵa jol ashady, – dedi Asqar Mamın. Máseleni qaraý qory­tyn­dysynda Úkimet jetekshisi «Pedagog mártebesi týraly» jáne «Pedagog mártebesi, oqý­shy men muǵalim júktemesin tómendetý máseleleri jónin­degi keıbir zańnamalyq akti­lerge ózgerister men tolyq­tyrý­lar engizý týraly» zań jo­balaryn Májiliske 2019 jyldyń 1 qyrkúıegine qaraı, osy apta ishinde engizýdi tap­syrdy. Qoldanystaǵy shekteý­lerden basqa, psıhıkalyq jáne minez-qulyqtyq aýytqýy bar, áreketke jaramsyzdyǵyna baılanysty dáriger baqy­laýynda turǵan adamdardyń pedagog qyzmetimen aına­lysýyna tyıym salynbaq.  Jumys tobyna muǵalim­derden 18 myńnan astam usy­nys kelip túsipti. Nátıjesinde, «Pedagog mártebesi týraly» zańnyń aqyrǵy jobasyna 19 bap kirip otyr.

– Negizgi materıaldyq yn­ta­landyrýlar qatarynda synyp jetekshiligi men dápter teksergeni úshin aqyny eki esege ósirý, pedagogıkalyq she­berligi úshin qosymsha aqy tóleý, barlyq pedagogtiń jyl saıynǵy demalysyn 56 kúnge deıin ulǵaıtý, magıstr dáre­jesi úshin jáne tálimger bolǵany úshin qosymsha aqy tóleý kiredi, – dedi Bilim jáne ǵylym mınıstri Ashat Aımaǵambetov. Munyń syrtynda mate­rıaldyq emes yntalandyrýlar da kózdelmek. Atap aıtqanda, muǵalimderdiń júktemesi tó­mendetiledi. Olardyń ar-na­mysy men qadir-qasıetin qorǵaý kepildigi qamtamasyz etiledi. Muǵalimderdiń bala­laryna balabaqshada birinshi kezekte oryn beriledi. Tek pedagogterge arnalǵan «Qa­zaqstannyń eńbek sińirgen ustazy» memlekettik nagradasy taǵaıyndalady.

– Muǵalimniń kásibı fýnk­ııasyna kirmeıtin mindetterdi júkteýge, shamadan tys esep berýge, negizsiz tekserýler júrgizýge tyıym salý arqyly pedagogtiń júktemesin qys­qartý boıynsha jeke normalar kózdelgen. Muǵalimge tán emes fýnkııalarǵa jáne artyq esep berýge tartqany úshin 20-dan 120 aılyq eseptik kórsetkishke deıin aıyppul salý qarastyrylǵan, – dedi BǴM basshysy. Qoldanystaǵy shekteý­lerden basqa, psıhıkalyq jáne minez-qulyqtyq aýytqýy bar, áreketke jaramsyzdyǵyna baılanysty dáriger baqy­laýynda turǵan adamdardyń pedagog qyzmetimen aına­lysýyna tyıym salynbaq. «Atalǵan zańdar synyp jetekshiligi úshin 173 myń mu­ǵalimniń, al dápter teksergeni úshin 165 myń muǵalimniń qosymsha aqysyn eki esege kóbeıtýge múmkindik beredi. 212 myńnan astam qyzmetker biliktilik sanaty úshin aılyq jalaqydan 30-dan 50%-ǵa deıingi mólsherde qosymsha aqy alady. 7 myń qyzmetker magıstr dárejesi úshin 10 AEK mólsherinde, ıaǵnı 25 250 teńge, 18 myń qyzmetker tálimgerlik úshin 1 bazalyq laýazymdyq jalaqy mólsherinde, ıaǵnı 17 697 teńge qosymsha aqy alatyn bolady», – dedi A.Aımaǵambetov.

Derekkóz: aikyn.kz

"Adyrna" ulttyq portaly

Pikirler