Belgılı aqyn Baqyt Bedelhan äielder turaly aitqan pıkırıne tüsınıkteme berıp, qoǧam synyna jauap berdı, dep habarlaidy «Adyrna» tılşısı.
«Otan otbasydan bastalady» deimız ǧoi. Al otbasyŋ ajyrasyp, oiran bolyp jatyrsa, Otan turaly oilai alasyŋ ba? Men osyny aitqym keldı. Äiel – kez kelgen otbasynyŋ tıregı. «Äiel külse, älem küledı» dep aqyndarymyz jyrlaǧan. Qazır äiel jyndanǧan soŋ älem, qoǧam jyndanyp jatyr. Bälkım, oǧan bızdıŋ bilıktegı jüie men ideologiianyŋ joqtyǧy sebep şyǧar. Keibır düniege şekteu boluy tiıs. Keide sahnaǧa Europanyŋ qaŋsyǧyn äkelıp, sony qoiyp jatady. Tūrmys-tırşılıgındegı adam senbeitın qarama-qaişylyqtardy, ittıkterdı köşırıp alady da, şeteldık klassikany sahnaladyq deidı. Al ol bızdıŋ ūlttyq müddemızge kele me? Osyny qadaǧalau kerek»,-dedı ol «Barys Media» arnasyna bergen sūqbatynda.
Aqyn äielder taqyrybyn qaita-qaita qozǧaudyŋ qorqynyşty ekenın jetkızdı.
«Men ölıp, tabytymdy japqan künı ǧana äielder turaly aitamyn» degen Tolstoidyŋ sözı bar. Sol siiaqty būl taqyrypty qozǧau qiyn. Pende bolǧan soŋ eşkım mınsız emes. Bızdıŋ ūltty jaulau üşın oq şyǧyndap, jendet jaldaudyŋ qajetı joq. Bız onsyz da jūtylyp bara jatyrmyz, Qūdai saqtasyn. Ūltty tamyrynan ajyratyp, talqandau üşın äielderdı būzu kerek. Qytaida basqalarmen salystyrǧanda anau aitqandai qyrǧyn soǧystar joq. Olar äiel arqyly jaulauǧa tyrysady»,-dedı Baqyt Bedelhan.
Ol äiel dūrys bolmaǧan üide bereke bolmaitynyn atap öttı.
«Bereke bolmaǧan jerde meiırım bolmaidy. Jala japqym kelmeidı, bıraq qazır adamzattyŋ jüikesı ketken zaman boldy. Mädeni sūryptaulardan ötken Europa qalpyna kelıp aldy. Al bızdıŋ olarǧa bırden elıkteuge qauqarymyz jetpeidı. Europalyqtar 70-80 jasqa kelgenşe özderın ǧana kütıp jüredı. Bızdegıdei 10 bala, 20 naǧaşy, qūda-jekjat degender joq. Olar özderınıŋ tüsınıgın qazaqtyŋ ortasyna tastai saldy. Bızdıŋ äielder «Nege özımdı ǧana oilamasqa?», «Nege ekeumız ǧana qol ūstasyp, qydyrmaimyz?» degen oida qaldy. Jaqsy, barlyǧyn aralap, körsın. Al tamyryŋ, ūltyŋ, dästür-saltyŋ qaida qalady? Bız osylardy ūmytyp bara jatyrmyz»,-dep qosty aqyn.
