Qyrǧyzstan prezidentı Sadyr Japarov Konstitusiialyq sotqa memleket basşysyn kezektı jäne merzımınen būryn sailau tärtıbı men merzımderıne qatysty Konstitusiianyŋ bırqatar baptaryna resmi tüsındırme beru turaly ötınış joldady, dep habarlaidy «Adyrna» tılşısı Fergana News-ke sılteme jasap.
Aitylǧandai, mūndai tüsındıru qajettılıgı sarapşylar ortasynda jäne qoǧamdaǧy talqylaularda qoldanystaǧy normalardyŋ ärtürlı tüsındırıluıne bailanysty tuyndaǧan. Sonyŋ saldarynan prezident ökılettıgınıŋ merzımıne qatysty qarama-qaişy pıkırler paida bolǧan.
Ötınışte 2021 jylǧy 11 säuırde ötken referendumda qabyldanǧan jaŋa Konstitusiianyŋ keibır erejelerı prezidenttık merzımnıŋ bastaluy men ūzaqtyǧyn ärtürlı tüsındıruge mümkındık beretını atap ötıledı. Būl öz kezegınde qūqyqtyq belgısızdık tuǧyzyp, memlekettık organdardyŋ tūraqty jūmys ısteuıne äser etuı mümkın. Atalǧan mäsele konstitusiialyq qūrylymnyŋ negızderıne, halyq bilıgı qaǧidatyna, negızgı zaŋnyŋ üstemdıgıne, sondai-aq azamattardyŋ sailau qūqyqtaryna tıkelei qatysty.
Japarovtyŋ aituynşa, kelıspeuşılıkter saqtalsa, qūqyqtyq mäsele saiasi deŋgeige auysyp, memlekettık instituttarǧa degen senımdı älsıretuı jäne qoǧamdaǧy äleumettık şielenıstı küşeituı yqtimal. Sondyqtan ol Konstitusiialyq sottan resmi tüsındırme berudı sūrap, konstitusiialyq daǧdarys qaupın boldyrmaudy maqsat etken.
Konstitusiialyq sottyŋ baspasöz qyzmetınıŋ mälımetınşe, prezidenttıŋ ötınışı jedel tärtıpte qaralady. Konstitusiialyq sottyŋ otyrysy 17 aqpanǧa belgılengen.
Būl ötınış Japarovqa jäne parlament spikerıne joldanǧan hat jariialanǧannan keiın ekı kün ötken soŋ jıberılgen. Atalǧan hatta memleket basşysynyŋ jaŋa sailauyn şūǧyl türde bastau turaly ūsynys aitylǧan. Hatqa 75 adam, onyŋ ışınde būrynǧy premer-ministrler, ǧalymdar, eks-deputattar men qoǧam qairatkerlerı qol qoiǧan. Olar 2021 jyly jaŋa Konstitusiia qabyldanǧannan keiın būrynǧy erejeler boiynşa sailanǧan qazırgı prezidenttıŋ ökılettık merzımıne qatysty qūqyqtyq belgısızdık paida boldy dep esepteidı. Aitularynşa, merzımınen būryn sailau ötkızu daular men ekıūşty tüsındırulerdıŋ aldyn alar edı.
