Bügın Almatydan Astanaǧa ūşqan Fly Arystan ūşaǧynda menen bır-ekı orynǧa art jaqta otyrǧan orta jastaǧy er azamat terektei sūlap tüstı. Sol sätte qasyndaǧy janūşyryp bır äiel de aiqailady. Közı baqyraiyp qūlap bara jatqan adamǧa baryp ne ısterımdı bılmedım. Denesı sereiıp qalǧan, tynys joq.
Auzynan ürlegendei bolyp kökırek tūsyn aqyryndap qana bastym. Özım alǧaşqy kömek körsetudı şet jaǧasyn ǧana körgenım bolmasa, negızınen mülde habarsyz ekenımdı sonda ǧana ūqtym. Bır bort serık menen “Därıgersıŋ be?” dep sūrady. “Joq” dep edım, “Onda kedergı keltırmeŋız” dedı.
Men ornyma otyrdym. Osy kezde qūlap jatqan adamnyŋ qūlaq tūsy, kırpıkterı säl qozǧalǧandai boldy.
Aman eken ǧoi dep ıştei quanyp kettım. Ekı bortserık jetıp kelıp, bıreuı tynys berıp, bıreuı jürek tūsyn ekı qoldap qatty basty. Sol kezde keude tūsy auyrsynǧandai älgı azamat oiandy. Bärın basqaryp jürgen aǧa bortserıktıŋ şeşımtaldyǧyna, şapşaŋdyǧyna riza boldym. Bärın dūrys basqaryp otyrdy. Şyǧyp bara jatqanda älgı bortserıktıŋ qolyn qysyp alǧysymdy aittym. Esımın sūrap, aty-jönın jazyp almaǧanyma ökınıp te qaldym.
Jalpy, alǧaşqy kömek körsetudı dūrystap üirenıp aluymyz kerek eken. Bügıngı tüigenım osy boldy.
Arman Aubakir
Ūqsas jaŋalyqtar
