Túrkııada 7,4 baldyq jer silkinisi boldy, dep habarlaıdy “Adyrna” ulttyq portaly TASS-qa silteme jasap.
Tótenshe jaǵdaılar jónindegi memlekettik departamenttiń málimetinge, jer silkinisi Kahramanmarash provınııasynyń Pazardjık aımaǵynda jergilikti ýaqyt boıynsha saǵat 04:17-de (Máskeý ýaqytymen sáıkes keledi) 7 shaqyrym tereńdikte bolǵan. Jerasty dúmpýleri odan keıin jarty saǵat boıy ártúrli aımaqta – Adana, Ankara, Antalııa, Gazıantep, Kaıserı, Mersın, Trabzon, Shanlyýrfada sezildi.
Al Arabiya telearnasy jer silkinisiniń Irak pen Lıvannyń keıbir aımaǵynda da sezilgenin atap ótti. Al Yeni Shafaq gazetiniń habarlaýynsha, Túrkııanyń kem degende tórt provınııasynda qıraǵan ǵımarattar tirkelgen. Kahramanmarash, Malatııa, Shanlyýrfa jáne Gazıantep provınııalarynda úıler qulaǵan.
Ázirge qaza bolǵandar men zardap shekkender týraly aqparat túsken joq.
