Qaznette Májilis depýtaty Dáýlet Turlyhanovtyń uly Nurasyl Bolattyń toı toılap júrgen vıdeosy tarady. Ol bostandyǵyn shekteý rejımine baılanysty bul ýaqytta úıinde bolýy tıis edi, dep habarlaıdy «Adyrna» tilshisi.
IIM quqyqtyq statıstıka jáne arnaıy esep komıteti bul oqıǵaǵa qatysty túsinikteme berdi.
«Probaııalyq baqylaýdy buzý faktisi boıynsha sottalǵan adamǵa eskertý jasaldy, jazany bas bostandyǵynan aıyrýǵa aýystyrý týraly máseleni sheshý úshin sotqa materıal daıyndalyp jatyr»,— delingen komıtettiń resmı jaýabynda.
Aıta keteıik, Nurasyl Bolat mamyrda 2 jylǵa bas bostandyǵyn shekteý jazasyna kesilgen bolatyn. Talapqa sáıkes, oǵan shetelge shyǵyp, klýbtar men barlarǵa barýǵa tyıym salyndy. Sondaı-aq er adam saǵat 23.00-den keıin úıden shyqpaýy kerek.
Nurasyl Bolat buǵan deıin de birneshe ret tártip buzdy. Tamyz aıynda áleýmettik jelide onyń qalany aralap júrgeni túsirilgen vıdeo paıda boldy.
