قازنەتتە ءماجىلىس دەپۋتاتى داۋلەت تۇرلىحانوۆتىڭ ۇلى نۇراسىل بولاتتىڭ توي تويلاپ جۇرگەن ۆيدەوسى تارادى. ول بوستاندىعىن شەكتەۋ رەجيمىنە بايلانىستى بۇل ۋاقىتتا ۇيىندە بولۋى ءتيىس ەدى، دەپ حابارلايدى «ادىرنا» ءتىلشىسى.
ءىىم قۇقىقتىق ستاتيستيكا جانە ارنايى ەسەپ كوميتەتى بۇل وقيعاعا قاتىستى تۇسىنىكتەمە بەردى.
«پروباتسيالىق باقىلاۋدى بۇزۋ فاكتىسى بويىنشا سوتتالعان ادامعا ەسكەرتۋ جاسالدى، جازانى باس بوستاندىعىنان ايىرۋعا اۋىستىرۋ تۋرالى ماسەلەنى شەشۋ ءۇشىن سوتقا ماتەريال دايىندالىپ جاتىر»،— دەلىنگەن كوميتەتتىڭ رەسمي جاۋابىندا.
ايتا كەتەيىك، نۇراسىل بولات مامىردا 2 جىلعا باس بوستاندىعىن شەكتەۋ جازاسىنا كەسىلگەن بولاتىن. تالاپقا سايكەس، وعان شەتەلگە شىعىپ، كلۋبتار مەن بارلارعا بارۋعا تىيىم سالىندى. سونداي-اق ەر ادام ساعات 23.00-دەن كەيىن ۇيدەن شىقپاۋى كەرەك.
نۇراسىل بولات بۇعان دەيىن دە بىرنەشە رەت ءتارتىپ بۇزدى. تامىز ايىندا الەۋمەتتىك جەلىدە ونىڭ قالانى ارالاپ جۇرگەنى تۇسىرىلگەن ۆيدەو پايدا بولدى.
