28 qazan - Käsıpkerler künı qarsaŋynda Almatyda TikTok Impact Forum öttı. Forum aiasynda platforma Qazaqstan Respublikasy «Atameken» ūlttyq käsıpkerler palatasymen bırlesıp, «TikTok äserı: platformanyŋ Qazaqstandaǧy şaǧyn jäne orta käsıpkerlıkke yqpaly» atty zertteudıŋ jaŋartylǧan nätijelerın ūsyndy. Zertteu nätijelerıne säikes, saualnamaǧa qatysuşylardyŋ 70%-dan astamy platformany biznes maqsatynda aiyna kemınde bır ret paidalanady, al 88,3%-y onyŋ jaŋa klientterdı tartuǧa oŋ äser etetının atap öttı.
Jetekşı TikTok beineplatformasy Almatyda Impact Forum ötkızdı. Is-şara platformanyŋ Qazaqstandaǧy käsıpkerlık pen ekonomikany damytudaǧy rölıne arnaldy. Baǧdarlamaǧa platformanyŋ «Atameken» ŪKP-men bırlesıp jürgızgen jaŋartylǧan zertteuınıŋ nätijelerın tanystyru, Qazaqstannyŋ şaǧyn jäne orta biznes ökılderı qatysqan paneldık pıkırtalas, TikTok for Business şeberlık sabaǧy jäne TikTok-ty ılgerıletu men ösudı qamtamasyz etu üşın belsendı paidalanatyn jergılıktı brendterdıŋ körmesı kırdı.
Bırlesken zertteu nätijelerın ekonomika ǧylymdarynyŋ kandidaty, «Atameken» Ūlttyq käsıpkerler palatasynyŋ basqaruşy direktory – Biznestı retteu departamentınıŋ direktory Dinara Aqynbekova tanystyrdy.
Qatysuşylar kompaniialardyŋ tanymaldylyqty arttyru, klientter tartu, satylymdy damytu jäne jaŋa naryqtarǧa şyǧu üşın organikalyq kontenttı, avtorlarmen yntymaqtastyqty jäne jarnamalyq qūraldardy qalai paidalanatynyn talqylady. Forum aiasynda käsıpkerler öz önımderın de tanystyryp, platformada jūmys ısteu täjıribesımen bölıstı.
Käsıpkerler biznestı damytu üşın TikTok-ty jüielı türde paidalanady
TikTok-tyŋ käsıpkerlıkke yqpaly turaly zertteu ekınşı jyl qatarynan jürgızılıp keledı. Zertteu 2026 jylǧy qyrküiek–qazan ailarynda Qazaqstannyŋ barlyq 20 öŋırınen 206 kompaniianyŋ qatysuymen jürgızılgen saualnamaǧa negızdelgen. Saualnama jetı salany qamtydy: mädeniet, oiyn-sauyq jäne turizm; densaulyq, sūlulyq jäne sport; azyq-tülık jäne azyq-tülıkke jatpaityn tauarlardy öndıru men satu; qoǧamdyq tamaqtandyru; bılım beru jäne jyljymaityn mülık salasyndaǧy qyzmetter. [1]
2026 jyly saualnamaǧa qatysqan käsıporyndardyŋ 43,7%-y TikTok-ty biznes maqsatynda ai saiyn paidalanatynyn habarlaǧan. Būl ötken jylǧy ūqsas zertteudegı körsetkışten (29,5%) 14,2 paiyzdyq tarmaqqa joǧary. Al käsıporyndardyŋ 27,2%-y platformany apta saiyn nemese odan da jiı paidalanady. Osylaişa, saualnamaǧa qatysuşylardyŋ 70%-dan astamy platformany aiyna kemınde bır ret paidalanady.
Tūraqty paidalanu ärtürlı jūmys ötılı bar kompaniialarǧa tän. Saualnama nätijelerıne säikes, 10 jyldan astam uaqyt jūmys ıstep kele jatqan kompaniialardyŋ 31%-y TikTok-ty marketingtık maqsatta apta saiyn nemese odan da jiı paidalanady. Būl körsetkış jas kompaniialar arasyndaǧy körsetkışterden kem emes: bır jyldan az uaqyt būryn qūrylǧan käsıporyndardyŋ 15,4%-y TikTok-ty aptasyna kemınde bır ret paidalanady; jūmys ıstep kele jatqanyna bır jyldan üş jylǧa deiıngı kompaniialarda būl körsetkış 30,8%-dy, üş jyldan bes jylǧa deiıngı kompaniialarda 32,2%-dy, al bes jyldan on jylǧa deiıngı kompaniialarda 20%-dy qūraidy.
TikTok tabys közı retınde
Ötken jylǧy zertteumen salystyrǧanda, TikTok platformasyndaǧy belsendılıkten tüsetın tabysy jalpy tabysynyŋ 5%-ynan asatyn saualnamaǧa qatysqan kompaniialardyŋ ülesı 12,3 paiyzdyq tarmaqqa artyp, 57,8%-ǧa jettı. Būl rette saualnamaǧa qatysqan käsıporyndardyŋ 14,6%-y üşın mūndai tabys jalpy kırıstıŋ 25%-yn nemese odan da köp bölıgın qūraǧan. TikTok-ty apta saiyn paidalanatyn şaǧyn jäne orta käsıpkerlık subektılerınıŋ (ŞOKS) şamamen 11%-y jalpy tabysynyŋ 50% jäne odan astamy platformadaǧy belsendılıkten tüsetının mälımdegen. Būl derekter TikTok-taǧy tūraqty belsendılık pen käsıporyndardyŋ osy platformaǧa jatqyzatyn tabys ülesı arasynda oŋ bailanys bar ekenın körsetedı. [2]
TikTok klientterdı tartuǧa jäne bäsekelester arasynda erekşelenuge kömektesedı
Zertteu derekterıne säikes, saualnamaǧa qatysuşylardyŋ 88,3%-y TikTok jaŋa klientter tartuǧa oŋ yqpal etetının atap ötken, 83,5%-y platforma klienttermen özara ärekettesuge oŋ äser etetının körsetken, al 73,3%-y platforma öz biznesınıŋ bäsekelester arasynda erekşelenuıne kömektesedı dep sanaidy. Būl rette platformany paidalanudyŋ eŋ keŋ taralǧan täsılı organikalyq kontent bolyp qala beredı: 2026 jyly saualnamaǧa qatysqan kompaniialardyŋ 77,6%-y beinematerialdar jariialaǧan.
Sonymen qatar, kontent avtorlarymen yntymaqtastyq ornatatyn käsıporyndardyŋ ülesı aldyŋǧy zertteudegı 10,4%-dan 22,8%-ǧa deiın östı, al saualnamaǧa qatysuşylardyŋ 18,0%-y aqyly jarnamany paidalanǧan. Būl körsetkışter öskenıne qaramastan, kontent jariialau men aqyly qūraldardy paidalanu arasynda aitarlyqtai alşaqtyq saqtalyp otyr. Būl şaǧyn jäne orta käsıpkerlık subektılerınıŋ basym bölıgı platformanyŋ mümkındıkterın älı de tolyq paidalanbai otyrǧanyn körsetedı. Demek, sifrlyq marketing arqyly odan ärı ösu äleuetı zor.
TikTok-qa jūmsalatyn şyǧyndardy jalpy qarastyratyn bolsaq, iaǧni aqyly jarnama men kontent avtorlarymen yntymaqtastyqty ǧana emes, sonymen qatar kontent öndırudı, SMM-mamandarynyŋ jūmysyn jäne basqa da marketingtık qyzmettı eskersek, platformada ılgerıletuge biudjet böletın saualnamaǧa qatysqan kompaniialardyŋ ülesı 2025 jylǧy 62,3%-dan 2026 jyly 75,7%-ǧa deiın östı.
2026 jylǧy saualnama nätijesınde, platformanyŋ marketingtık biudjettegı ülesı men käsıpkerlerdıŋ ony paidalanumen bailanystyratyn tabys ülesı arasyndaǧy oŋ bailanystyŋ küşeigenın körsettı. TikTok-qa biudjet bölmeitın käsıporyndar orta eseppen öz tabysynyŋ 3,9%-yn osy platformaǧa jatqyzǧan. Al marketingtık biudjetınıŋ 70%-dan astam bölıgın TikTok-qa baǧyttaityn kompaniialar arasynda būl körsetkış orta eseppen 42,0%-dy qūraǧan
TikTok-ty paidalanu körsetkışterınıŋ salalar boiynşa özgeruı
Derekter TikTok-pen tüsımınıŋ belgılı bır bölıgın bailanystyratyn kompaniialardyŋ ülesı saualnamaǧa qatysqan salalyq toptar arasynda ärtürlı ekenın körsetedı. Aldyŋǧy saualnamamen salystyrǧanda, tüsımınıŋ kemınde 5%-yn TikTok platformasymen bailanystyratyn kompaniialar ülesınıŋ eŋ joǧary ösımı jyljymaityn mülık qyzmetterı salasynda (+40,6 paiyzdyq tarmaq, 66,6%-ǧa deiın), mädeniet, oiyn-sauyq jäne turizm salalarynda (+24,7 paiyzdyq tarmaq, 60,5%-ǧa deiın), sondai-aq azyq-tülık tauarlary segmentınde (+18,1 paiyzdyq tarmaq, 56,8%-ǧa deiın) tırkeldı. Qoǧamdyq tamaqtandyru salasynda (68%) jäne azyq-tülıkke jatpaityn tauarlar segmentınde (53,5%) tūraqty türde joǧary körsetkışter saqtalyp otyr. Būl TikTok-ta ılgerıletudıŋ tiımdılıgı salaǧa bailanysty özgeretının, al bırqatar salalar üşın platformanyŋ äleuetı älı de tolyq aşylmaǧanyn körsetedı.
Käsıpkerlerdıŋ TikTok-pen bailanystyratyn kırısınıŋ modeldık baǧasy
Käsıpkerlerdıŋ TikTok-pen bailanystyratyn kırısınıŋ yqtimal auqymyn baǧalau üşın zertteuşıler olardyŋ ainalymy men osy kırıstıŋ ülesı turaly jauaptaryna, sondai-aq ŞOB sany jönındegı resmi statistikaǧa negızdelgen model qūrdy. Ötken jyldaǧydai, üş ssenarii qarastyryldy: TikTok-ty käsıpkerlerdıŋ 10%-y belsendı paidalanatyn, olardyŋ ülesı 15%-dy qūraityn jäne 20%-ǧa jetetın jaǧdailar.
Konservativtı ssenarii retınde 10% deŋgeiı taŋdaldy. Būl körsetkış Ūlybritaniia men Avstraliiany qosa alǧanda, basqa elderde jürgızılgen ūqsas zertteulerdıŋ nätijelerıne säikes keledı. Osy ssenariige säikes, 2026 jyly TikTok-ty paidalanumen bailanysty Qazaqstannyŋ şaǧyn jäne orta käsıpkerlık subektılerınıŋ eseptık tabysy şamamen 531,6 mlrd teŋgenı qūrady. Qamtu deŋgeiı 15% bolatyn qalypty ssenariide TikTok-qa jatqyzylatyn tabys 797,4 mlrd teŋgenı, al qamtu deŋgeiı 20% bolatyn jedel sifrlandyru ssenariiınde 1 063,2 mlrd teŋgenı qūraidy. [4]
Būl somalardy Qazaqstannyŋ jalpy ışkı önımımen (JIÖ) salystyrǧanda, olar tiısınşe JIÖ-nıŋ 0,33% / 0,50% / 0,67%-yna teŋ. Aldyŋǧy zertteude būl körsetkışter şamamen 0,16% / 0,25% / 0,33% bolǧan. Būl rette atalǧan körsetkışter platformaǧa bailanysty tabystyŋ ekonomikalyq auqymyn körsetedı jäne TikTok-tyŋ eldıŋ JIÖ-ne tıkelei qosqan ülesınıŋ baǧasy bolyp tabylmaidy. Baǧalauǧa jūmys oryndaryn qūru, jetkızu tızbekterın damytu jäne üi şaruaşylyqtarynyŋ tūtynuyna yqpal etu siiaqty janama äserler engızılmegen.
Modeldık tabys, modeldık tabystyŋ JIÖ-ge qatynasy jäne ŞOK subektılerın boljamdy qamtu deŋgeiı negızınde TikTok-qa jatqyzylatyn tabys. [5]
Sandardyŋ artyndaǧy biznes tarihy
TikTok Impact Forum aiasynda jäne zertteu barysynda auditoriiasyn keŋeitıp, satylym kölemın arttyru üşın TikTok-ty paidalanatyn qazaqstandyq kompaniialardyŋ mysaldary ūsynyldy. Mäselen, Şymkent qalasyndaǧy Al-AN Duken kiım brendı @alan_duken bır jyl ışınde TikTok-taǧy jazyluşylar sanyn şamamen 15 myŋǧa, al satylym kölemın şamamen 20%-ǧa arttyrǧan. Kompaniianyŋ mälımetınşe, TikTok-taǧy bır saǧattyq tıkelei efir orta eseppen 15–20 ötınım tüsırıp, 3-ten 6-ǧa deiın satylymǧa äkeledı.
Şyǧys Qazaqstannan şyqqan tabiǧi bal öndıruşı Lesnoe VKO brendı @lesnoe_vko önımderı men omarta jūmysy turaly organikalyq kontentke basymdyq berdı. Kompaniia Qazaqstannan tys jerlerde de satyp aluşylar tauyp, eksporttan tüsetın tabystyŋ ösuın TikTok-taǧy brend kontentıne şeteldık auditoriianyŋ qyzyǧuşylyǧymen bailanystyrady.
Doner na Satpayeva fastfud jelısı @doner_na_satpayeva_ auditoriiamen qarym-qatynas ornatu qūraly retınde TikTok-qa basymdyq berıp, ūtylmady. Bügınde kompaniia akkauntynyŋ jazyluşylarynyŋ sany millionnan asady, al köptegen qonaqtar būl oryn turaly videolardan, sonyŋ ışınde basqa qalalarda jariialanǧan videolardan bılıp, arnaiy keledı. Tört jyl ışınde jelı Almatyda 13 nüktege deiın keŋeidı, al jaqyn arada jaŋa qalaǧa şyǧudy josparlap otyr. Ötken jyly kompaniia TikTok syilyǧyn «Şaǧyn biznestıŋ üzdık akkaunty» nominasiiasy boiynşa aldy. Komandanyŋ aituynşa, tabystyŋ syry qarapaiym qaǧidada: kontent şynaiy ärı tabiǧi boluy kerek. Däl osy qasiet auditoriianyŋ qyzyǧuşylyǧyn saqtap, kezdeisoq körermendı tūraqty qonaqqa ainaldyrady.
«Är biznestıŋ öz tarihy bar. Keide bärı şaǧyn ideiadan, otbasylyq ısten nemese kütpegen jerden myŋdaǧan adamnyŋ köŋılınen şyǧatyn qysqa videodan bastalady. Jaŋartylǧan zertteu qazaqstandyq käsıpkerlerdıŋ TikTok-ty barǧan saiyn senımdı ärı tiımdı paidalanyp kele jatqanyn, al platformanyŋ biznes üşın tek tanymaldyqty arttyratyn alaŋ ǧana emes, sonymen qatar ılgerıletuge, satylymdy arttyruǧa jäne biznestı damytuǧa mümkındık beretın tolyqqandy qūralǧa ainalyp kele jatqanyn körsetedı. Bız kez kelgen auqymdaǧy biznestıŋ TikTok-ta öz auditoriiasyn tauyp, onymen bırge ösuıne mümkındık bergımız keledı jäne osy maqsatta qoldan kelgennıŋ bärın jasap jatyrmyz», — TikTok kompaniiasynyŋ Ortalyq Aziia men Şyǧys Europadaǧy biznestı damytu departamentınıŋ basşysy Iýliia Kuşnir.
«„Atameken“ üşın jaŋa tehnologiialardyŋ ıs jüzınde qalai jūmys ısteitının jäne otandyq käsıpkerlerge qandai mümkındıkter beretının tüsınu maŋyzdy. Sondyqtan TikTok-pen yntymaqtastyǧymyzdyŋ negızgı baǧyttarynyŋ bırı biznestıŋ täjıribesın zertteu boldy. Biyl öŋırlık käsıpkerler palatalarynyŋ belsendı qatysuymen zertteudı jaŋartyp, qazaqstandyq kompaniialardyŋ platformany paidalanu täjıribesınen naqty mysaldar jinadyq», — dep atap öttı Qazaqstan Respublikasy «Atameken» Ūlttyq käsıpkerler palatasynyŋ Basqarma töraǧasynyŋ orynbasary Aslan Qaliǧazin.
Ūsynylǧan derekter men jergılıktı kompaniialardyŋ oqiǧalary TikTok-tyŋ şaǧyn jäne orta biznes üşın tek tanymaldyqty arttyru arnasy ǧana emes, sonymen qatar ılgerıletu men ösudıŋ praktikalyq qūralyna ainalyp kele jatqanyn körsetedı.
TikTok turaly
TikTok – qysqa videorolikterge arnalǧan jetekşı platforma. Bızdıŋ missiiamyz – adamdardy şyǧarmaşylyqqa şabyttandyru jäne olarǧa quanyş syilau.
Redaktorǧa arnalǧan anyqtama
Nätijeler saualnamaǧa qatysuşylardyŋ täjıribesı men baǧalauyn körsetedı jäne olardy eldegı barlyq ŞOB subektılerıne avtomatty türde taratuǧa bolmaidy.
Jauaptar käsıpkerlerdıŋ öz baǧalauyn körsetedı jäne platformanyŋ kırıske sebep-saldarlyq äserın anyqtamaidy.
Zertteu esepteulerı ırıkteme qūramyna jäne jekelegen kompaniialardyŋ jauaptaryna täueldı. 2025 jäne 2026 jyldardaǧy ırıktemeler bırdei emes, paneldık zertteu qūrmaidy jäne Qazaqstandaǧy barlyq ŞOB subektılerı üşın statistikalyq tūrǧydan reprezentativtı bolyp tabylmaidy. Sondyqtan ekı kezeŋnıŋ nätijelerı arasyndaǧy aiyrmaşylyqtardy saualnamaǧa qatysqan käsıporyndar arasyndaǧy ürdıster retınde qarastyrǧan jön, al aqşalai körsetkışterdı bükıl el boiynşa ölşengen ösım emes, ssenariilık baǧalau retınde tüsınu qajet.
TikTok Qazaqstanda käsıpkerlıktı qoldauǧa baǧyttalǧan bastamalardy jüielı türde damytyp keledı:
2021 jyly elde ärtürlı auqymdaǧy bizneske arnalǧan şeşımderı bar TikTok for Business platformasy ıske qosyldy;
2022 jyly Astana Hub-pen bırlesıp TikTok Startup Academy baǧdarlamasy ıske qosyldy. 2025 jylǧa qarai baǧdarlamaǧa qatysuşylardyŋ üş legı oqudy aiaqtady;
2024 jyly TikTok pen Qazaqstan Respublikasy Ūlttyq käsıpkerler palatasy «Atameken» bırlesıp, äleumettık jäne ekologiialyq jobalardy jüzege asyratyn 800-den astam mikro jäne şaǧyn käsıporyndy bırıktırgen #QazaqstandaJasalǧan («Qazaqstanda jasalǧan») baiqauyn ötkızdı.
Būl — käsıpkerlerdıŋ öz baǧalaularyna negızdelgen şartty esepteu nätijelerı, Qazaqstandaǧy barlyq ŞOB subektılerınıŋ rastalǧan satu kölemı emes. Zertteu TikTok bolmaǧan jaǧdaida osy satylymdardyŋ qandai bölıgı jüzege aspaitynyn anyqtamaidy.
