Foto: depositphotos.com
Qazaqstan Prezidentı Qasym-Jomart Toqaev Türkı memleketterı ūiymynyŋ 13-sammitınde Iemendegı husitter qozǧalysynyŋ Saud Arabiiasyna jasaǧan şabuyldaryn aiyptap, mūndai äreketterdı toqtatuǧa şaqyrdy. Būl turaly «Adyrna» Aqordaǧa sılteme jasap habarlaidy.
Memleket basşysy sözınde Türkı memleketterı ūiymy alleiasynyŋ aşyluyna da toqtaldy. Atalǧan bastama Türkiia Prezidentı Rejep Taiip Erdoǧannyŋ ūsynysymen jüzege asqan. Toqaev būl nysan bauyrlas elder arasyndaǧy yntymaqtastyq pen bırlıktıŋ simvolyna ainalatynyna senım bıldırdı.
Prezidenttıŋ aituynşa, Taiau Şyǧystaǧy geosaiasi jaǧdaidyŋ şielenısuı, äsırese Ormuz būǧazy maŋyndaǧy ahualdyŋ kürdelenuı halyqaralyq sauda men kölık-logistika bailanystaryna kerı äserın tigızıp otyr. Onyŋ sözınşe, būl jaǧdai şekaralas türkı memleketterınıŋ ekonomikalyq yntymaqtastyǧyna da yqpal etedı.
«Qazaqstan bauyrlas Saud Arabiiasyna qarsy husitter äskeri qozǧalysynyŋ negızsız şabuyldaryn aiyptady. Osyndai jönsız äreketterdı toqtatu qajet degen mälımdemelerdı qoldaimyz», – dedı Qasym-Jomart Toqaev.
Aita keteiık, «Ansar Alla» qozǧalysy, iaǧni husitter – Iemen aumaǧynda äreket etetın qaruly-saiasi top. Qozǧalys Saud Arabiiasy qoldaityn ükımettık küştermen ūzaq uaqyttan berı qaqtyǧysyp keledı. Husitterge İran qoldau körsetedı.
Mälımetke säikes, taraptar arasyndaǧy äskeri teketıres tört jylǧa sozylǧan üzılısten keiın şılde aiynyŋ ortasynda qaita küşeigen. Osy kezeŋde husitter Qyzyl teŋızdıŋ batys jaǧalauyndaǧy jäne Qyzyl teŋızdı Aden şyǧanaǧymen jalǧaityn strategiialyq maŋyzy bar Bab-el-Mandeb būǧazy maŋyndaǧy bırqatar eldı mekendı baqylauyna alǧan.
28 qazanda qozǧalys ökılderı Saud Arabiiasyna bırneşe baǧyt boiynşa soqqy jasaǧanyn mälımdedı. Olardyŋ aituynşa, eldıŋ oŋtüstıgındegı äue bazalarynda ornalasqan äskeri-kölık ūşaqtary men Qorǧanys ministrlıgı ǧimaraty zymyranmen atqylanǧan. Sonymen qatar Saud Arabiiasynyŋ şyǧysyndaǧy Ras-Tannura mūnai öŋdeu zauytyna da şabuyl jasalǧany habarlanǧan.
