Almaty oblysy, Talǵar qalasynda bir top buzaqynyń qolynan qaza tapqan 16 jastaǵy jasóspirimniń úıi tolyǵymen órtendi, dep habarlaıdy “Adyrna” ulttyq portaly.
Marqumnyń úıi senbige qaraǵan túni órtengen. TJM málimetinshe, zardap shekkenderdiń bar-joǵy naqtylanýda.
Almaty oblysynyń polıııa departamenti órt faktisin rastady.
"Polıııa bótenniń múlkin qasaqana joıý deregi boıynsha qylmystyq is qozǵady", – delingen PD habarlamasynda.
Tergeý aıasynda kýágerlerden jaýap alynǵan. Sondaı-aq, beınebaqylaý kameralarynyń jazbalary zerttelip jatqany aıtyldy.
"Qazirgi ýaqytta oqıǵanyń barlyq mán-jaıy men oqıǵaǵa sebep bolýy múmkin sebepter anyqtalyp jatyr”, – delingen habarlamada.
Bas prokýratýranyń málimetinshe, qylmystyq is Qazaqstan Respýblıkasy Bas Prokýrorynyń baqylaýyna alyndy.
Aıta keteıik, Talǵarda syra úshin tóbeleskenderdiń qolynan qaza tapqan 16 jastaǵy jasóspirim Sherzat Bolattyń ólimi qoǵamdyq rezonans týdyrdy.
