Talǧarda kısı qolynan qaza tapqan 16 jastaǧy jasöspırım Şerzat Bolattyŋ örtenıp ketken üiıNee kanistr men rezeŋke qolǧap tabyldy. Polisiiada örtke qatysty naqty küdıktıler äzırge joq, dep habarlaidy “Adyrna” ūlttyq portaly.
«Bız zardap şekkenderdıŋ üiındegı örttıŋ sebebın belsendı türde zerttep jatyrmyz. Ört ornynda maŋyzdy aiǧaqtar jinalyp, 600-den astam adam sūraldy. Naqty ne bolǧanyn anyqtauǧa kömektesu üşın bırneşe saraptama taǧaiyndaldy. Mamandar örttıŋ üi syrtynan şyqqany turaly alǧaşqy qorytyndy jasap ülgerdı. Böten ört közı paidalanylǧan boluy mümkın», - dedı Almaty oblysynyŋ prokurory Berık Adamov.
Qazır mamandar oqiǧa ornynan tabylǧan kanistr men rezeŋke qolǧapty qarap jatyr. Keltırılgen şyǧyn kölemı de anyqtalady.
Aita keteiık, 4 qazan künı Talǧarda onynşy synyp oquşysy Şerzat Bolat aiuandyqpen öltırıldı.
12 qazanǧa qaraǧan tünı Azat auylynda öltırılgen 16 jastaǧy Şerzat Bolattyŋ otbasynyŋ üiı örtenıp kettı. Tuystary küzetke alyndy, al Talǧardy qazır Ūlttyq ūlan küzetedı. Mektep oquşysynyŋ äkesı Qarjaubai Nūrymov ädıldıkke senımın joǧaltyp, otbasyn Almaty oblysynan alyp ketkısı keletının aitty.
