Sot otyrysynda prokýrordyń aıtýynsha, oqıǵa oryn alǵannan keıin Sherzat Polattyń ákesi ulyn jáne baýyryn jeke kóligimen aýrýhanaǵa jetkizgen, dep habarlaıdy “Adyrna” ulttyq portaly.
Saraptama qorytyndysyna sáıkes, Sherzat Polattyń ólimine joǵarǵy ókpe bóligindegi pyshaq jaraqaty saldarynan kóp qan joǵaltý sebep bolǵan.
“Máıitti zertteý barysynda kelesi jaraqattar anyqtaldy: sol jaq ókpeniń joǵarǵy bóligindegi jara – aýyr jaraqat retinde tanyldy jáne tikeleı ólimge sebep bolǵan. Sonymen qatar, basynda, betinde – muryn, kóz, erin jáne saýsaqtar aımaǵynda kógergen izder anyqtaldy”, – dedi memlekettik aıyptaýshy sot otyrysynda.
