10 qazan kúni Maltanyń astanasy Valletta mańyndaǵy Ta'Qalı stadıonynda ótetin Malta men Túrkimenstan arasyndaǵy joldastyq kezdesý Túrkimenstan úkimeti oıynshylarynyń saparǵa shyǵýyna ruqsat bermegen soń keıinge qaldyryldy. Bul týraly Malta fýtbol federaııasynyń baspasóz qyzmeti jarııalady, dep habarlaıdy “Adyrna” ulttyq portaly.
«Túrikmenstan fýtbol qaýymdastyǵy óz eliniń bıliginen Maltaǵa barý úshin qajetti ruqsatty alýda qıyndyqtar týyndaǵandyqtan, match ótkizilmeı qaldy», - delingen resmı málimdemede.
Anyqtalǵandaı, halyqaralyq matchty FIFA, ÝEFA jáne Azııa fýtbol konfederaııasy (AFK) maquldady, olardyń ókilderi Malta Syrtqy ister mınıstrligimen birge jaǵdaıdy retteýge tyrysty, biraq barlyq áreketter sátsiz aıaqtaldy.
Aıta keteıik, Malta quramasy 13 qazanda ótetin ÝEFA Ulttar lıgasynyń Moldovaǵa qarsy kezdesýine daıyndyq aıasynda Túrkimenstanmen joldastyq kezdesý ótkizýdi josparlaǵan bolatyn.
Málimet boıynsha, Túrkimenstannan shyǵý úshin azamattar arnaıy ruqsat alýy kerek. Biraq bul da jetkiliksiz bolýy múmkin. Táýelsiz BAQ ushaq bıletterin satyp alǵan azamattardyń Túrkimenstannan túsindirmesten shyǵýyna ruqsat etilmeıdi dep udaıy habarlap jatyr. Al kóshi-qon qyzmetiniń qyzmetkerleri eshbir qujatqa silteme jasamaıdy.
