Jurnalist Oŋǧar Qabden Qazaqstan futbol federasiiasynyŋ prezidentı Ädılet Bärmenqūlovqa ündeu joldap, otandyq sporttaǧy reseilık funksionerlerge qatysty soŋǧy keleŋsızdıkter turaly aitty, dep habarlaidy «Adyrna» tılşısı.
«Qūrmettı Ädılet Nazarbaiūly! Futboldan ūlttyq qūramamyzdyŋ jetıstıgıne quanyştymyz. Halyqaralyq arenadaǧy jarqyraǧan jeŋıster elımızdegı barşa futbol süier qauymǧa ümıt ūialatty. Bız sızge jäne sızdıŋ komandaŋyzǧa bızdıŋ ūlttyq qūramany jeŋıske jetelegen dūrys kadrlyq şeşımderıŋız üşın alǧys aitamyz!
Degenmen, otandyq sporttaǧy reseilık funksionerlerge qatysty soŋǧy keleŋsızdıkter bızdı qynjyltuda. Futbol janaşyrlary men futbolşylardyŋ özderı de Reseiden futbol funksionerlerınıŋ keluıne qarsy!
Būl turaly bırneşe ret jazǧanbyz, ökınışke orai, sızden jauap ala almadyq. Būl joly futbol janküierlerı atynan ötınışımdı nazardan tys qaldyrmai, qajettı şara qoldanasyz dep senemın. Halyqtyŋ aqşasy reseilık darynsyz funksionerlerdıŋ qaltasynda ketpeu kerek»,—dedı ol.
Oŋǧar Qabdennıŋ aituynşa, köpşılık Rohus Şoktyŋ elımızde jūmys ısteuıne qarsy.
«Azamattyq qoǧamnyŋ nazaryn Rohus Şoh esımdı futbol funksionerıne audarǧym keledı. Otandyq futbolda mūndai tūlǧanyŋ boluy bızdı aşulandyrady. Bızge belgılı bolǧandai, onyŋ aty özınıŋ Reseiınde de jaqsy atalmaidy. «Rostov», «Rotor» jäne «Ural» futbol klubtarynyŋ basşylyǧynda jürgen Rohus Şohtyŋ esımı bırqatar jemqorlyq daularynda ataldy. Būl adam 90-jyldary eurokuboktarda oinaǧan «Rotor» futbol klubynyŋ «qabırın qazuşy» retınde keŋ tanymal. Rohus Şohtyŋ "qyzmetınıŋ" arqasynda "Rotor" äuesqoilar ligasyna tüsıp, bankrottyqtyŋ az-aq aldynda qaldy. 2015 jyly qoǧamnyŋ qysymymen klub basşysy qyzmetınen ketuge mäjbür boldy.
Qazaqstanda Rohus Şoh PFLK prezidentı qyzmetın atqardy. Osy qyzmette jürgende ol qazaq futbolyna jaŋa reseilık bukmekerlık keŋsenı kırgızbekşı boldy.Söitıp Premer-liganyŋ 14 klubyn "qoraǧa" kırgıze jazdady. Osy sebeptı ol PFLK basşylyǧynan bosatyldy, bıraq soǧan qaramastan Qazaqstan futbol federasiiasynyŋ vise-prezidentı lauazymy berıldı.
Pozisiiasynan aiyrylǧanyna qaramastan, Rohus bızdıŋ futboldaǧy yqpalyn saqtap qaldy jäne qazır oligarh Timur Turlovtyŋ aqşasyna Freedom QJ League jobasyn aşty. Joba jaqsy PR-ǧa ie. Bıraq, būl futbol ortalyqtarynyŋ jasöspırımder arasyndaǧy chempionatynyŋ köşırmesı sekıldı jalǧan joba ekenı belgılı boldy.
Joǧaryda aitylǧandarǧa bailanysty, Rohus Şohty Qazaqstan futbol federasiiasyndaǧy barlyq lauazymynan aiyrudy jäne onyŋ PFLK prezidentı bolǧan kezdegı qarjylyq tazalyǧyn tekserudı talap etemız. Kümändı ısterde aty şyqqan reseilık funksionerlerdıŋ bızge ne qajetı bar? Äsırese Reseige qarsy būryn-soŋdy bolmaǧan sanksiialar salynyp jatqan kezde.
Salyq töleuşıler men Qazaqstan azamattarynyŋ aqşasy reseilık funksionerlerdıŋ qaltasyna ketkenın qalamaimyz.Bız Qazaqstannyŋ janaşyr janküierlerı, patriottary retınde elımızdıŋ futboldaǧy jeŋısterı Reseiden kelgen bılıksız funksionerlerdıŋ kesırınen üzılmesın dep tıleimız»,—dep tolyqtyrdy jurnalist.
