Májilis depýtaty Rınat Zaıytov «Mass-medıa» zańy ne úshin kerek bolyp otyrǵanyn aıtyp, mınıstrlik ókiline táýelsiz jýrnalıster týraly tikeleı suraq qoıdy, dep habarlaıdy “Adyrna” ulttyq portaly.
Biz qazir jýrnalısterdiń áleýmettik jáne basqa da máselesin aıtyp otyrmyz. Jýrnalısterdi Úkimetke jyǵyp berýge me, álde shynymen de jýrnalısterdiń mártebesin ósirýge qajet pe? Biraq naqty jaýap bere almaıtynyńyzdy bilemin. Sondyqtan suraqty aınaldyryp qoıaıyn. «Qasqyrǵa «altynnan qarǵy baý taǵyp, gaýhardan úıshik salyp berseńiz de ony baqytty ete almaıdy». Onyń ózindik taǵylyǵy, jyrtqyshtyǵy bar. Sol sekildi qazir óz-ózin táýelsiz jýrnalıspin dep jarııalaǵan jáne bir emes júzdegen myń aýdıtorııasy barlar bar. Al bul zań osy bette qabyldandy delik. Sonda olardyń jaǵdaıy ne bolady? Jaýyp tastaısyzdar ma, sottaı ma álde? Solardyń aqparatynan qulaq asyp otyrǵan mıllıondaǵan adamdy qaıda jiberemiz?, – dedi depýtat.
Sondaı-aq, ol “táýelsiz jýrnalıst degen uǵymdy basqasha qalyptastyrýdyń múmkindigi qarastyryla ma?” dep saýal joldady.
