Bas prokuratura «Uralskaia nedelia» gazetınıŋ bas redaktory Tamara Esliamovanyŋ referendum boiynşa saualnama jürgızu ısıne qatysty taǧylǧan aiyptaryn joqqa şyǧardy. Būl turaly BQO prokuraturasynyŋ baspasöz qyzmetı mälımdedı, dep habarlaidy “Adyrna” ūlttyq portaly.
«2024 jylǧy 3 qazandaǧy «PROTENGE» jäne «Uralskaia nedelia» aqparattyq basylymdarynda gazettıŋ bas redaktory T.Eslämovanyŋ özı jäne «Jurnalistık bastama» JŞS-ı käsıbi jurnalistık qyzmettı jüzege asyrǧany üşın (azamattarmen qarapaiym sūhbat) Qazaqstan Respublikasynyŋ Äkımşılık qūqyq būzuşylyq turaly kodeksınıŋ 112 jäne 129-baptary boiynşa äkımşılık jauapkerşılıkke tartyldy” delıngen maqalalar jariialandy. Al, būl aqparat şyndyqqa janaspaidy», - delıngen jūma künı habarlamada.
Prokuratura zaŋǧa säikes, 30 qyrküiekte «Uralskaia nedelia» basylymynda jariialanǧan material boiynşa, qoǧamdyq pıkırge saualnamany kemınde bes jyl täjıribesı bar zaŋdy tūlǧalar ǧana jürgıze alady, al būl baiqalmaǧanyn aitty.
Sondai-aq, prokuraturanyŋ habarlauynşa, JŞS referendum ötkızu turaly Ortalyq referendum komissiiasyna zaŋ talabyna säikes habarlamaǧan.
Nätijesınde 3 qazanda sot «Jurnalistık bastama» JŞS-ny zaŋdy būzǧany üşın kınälı dep tauyp, 30 AEK (110,7 myŋ teŋge) kölemınde aiyppūl saldy.
Būǧan deiın «Uralskaia nedelia» basylymynyŋ bas redaktory Tamara Esliamovanyŋ Qazaqstandaǧy atom elektr stansiialary taqyryby boiynşa ötıp bara jatqan adamdardan sūhbat alǧany üşın sotqa tartylǧan bolatyn. Keiınırek «Uralskaia nedelianyŋ» bas redaktory Tamara Esliamovanyŋ ısıne qatysty äkımşılık hattamanyŋ «qate» jasalǧany habarlandy. Odan keiın «Uralskaia nedelia» gazetıne Qazaqstandaǧy atom elektr stansiialary turaly taqyrypta ötıp bara jatqandardan sūhbat alǧany üşın aiyppūl salynǧany belgılı boldy.
