Prokuratura Atbasar koloniiasynda azaptau turaly rezonans tudyrǧan ıs boiynşa apelliasiialyq ötınış jasady. Būl turaly Bas prokuraturanyŋ baspasöz qyzmetı mälımdedı, dep habarlaidy “Adyrna” ūlttyq portaly.
Qylmystyq ıs Aqmola oblysynyŋ qylmystyq ıster jönındegı mamandandyrylǧan audanaralyq soty alqabilerdıŋ qatysuymen qaraldy.
Mälımet boiynşa, Aqmola oblysynyŋ qylmystyq ıster jönındegı mamandandyrylǧan audanaralyq sotynda alqabilerdıŋ ükımı negızınde Aqmola oblystyq qylmystyq-atqaru jüiesı departamentınıŋ «№1 mekeme» RMM-nıŋ būrynǧy 12 qyzmetkerı aqtaldy.
Atbasar qalasyndaǧy №1 tüzeu mekemesınde būrynǧy lauazymdy tūlǧalary sottalǧandarǧa azaptau äreketın qoldanǧany üşın aiyptalǧan.
Alqabilerdıŋ ükımıne säikes, aiyptaluşylar kınäsız dep tanylyp, Qazaqstan Respublikasy Qylmystyq kodeksınıŋ 146-baby, 3-bölıgınıŋ 1-tarmaǧynda közdelgen qylmysty jasaudaǧy aiyp boiynşa aqtaldy.
Aqmola oblysynyŋ prokuraturasy sot aktısımen kelıspei, 2025 jyly 14 aqpanda apelliasiialyq ötınışhat engızdı.
Eske sala keteiık, 2023 jyldyŋ küzınde Qazaqstandaǧy koloniiada Timur Dänebaevtyŋ qatygez azaptaluynyŋ videolary äleumettık jelılerde tarady. Būl jaǧdai qoǧamdyq rezonans tudyrdy. Sodan keiın qyzmettık tekseru bastaldy. 6 qyrküiekte qūqyq qorǧauşy Elena Semenova azaptaular faktısı boiynşa qylmystyq ıs qozǧalǧanyn habarlady.
Alqa biler soty Atbasar koloniiasyndaǧy azaptau ısınde sottaluşylardy aqtaǧannan keiın Qazaqstannyŋ ükımettık emes ūiymdarynyŋ (ÜEŪ) azaptauǧa qarsy koalisiiasy bas prokuror Berık Asylovqa jügıngen bolatyn. Olar belsendını azaptau turaly oqiǧa videodan keiın ǧana belgılı bolǧanyn, ol beinede koloniia qyzmetkerlerınıŋ tūtqyndy azaptaǧany anyq körınetının atap ötken.
Atbasar türmesınde Timur Dänebaevty azaptaǧandar aqtalyp ketken. Is alqabilerdıŋ qatysuymen qaralǧan. Qylmytsyq atqaru jüiesınıŋ būrynǧy 12 qyzmetkerınıŋ bärı aqtalyp şyqty. Qamauǧa alynǧan üş adam bosatyldy. Qazır barlyq aqtalǧandar "zaŋsyz qylmystyq qudalau" üşın ötemaqy talap etuge qūqyly.
