Keıingi ýaqytta Qazaqstanda sheteldik BAQ ókilderin tirkeýdi zańnamalyq turǵyda retteýge qatysty túrli pikir aıtylyp, ony rezonanstyq taqyrypqa deıin jetkizý áreketi baıqalyp otyr. Qazaqstan Medıa Alıansy óz tarapynan bul jaǵdaıdan qandaı da bir astar izdeý orynsyz dep sanaıdy. Sheteldik BAQ-tyń qyzmeti jaıly talaptyń zańnama turǵysynan qaralyp otyrǵany álemdik tájirıbe. Kez kelgen eldiń aqparattyq qaýipsizdigi jolyndaǵy jasaıtyn proedýrasy.
Qazirgi ýaqytta elimizde álemniń 15 elinen sheteldik 39 BAQ akkredıtteýden ótip, olardyń 160 jýrnalısi elimizde qyzmet etip otyr. Bul degenimiz - Qazaqstanda sheteldik BAQ-tyń jumys isteýine qandaı da bir shekteý joqtyǵynyń birden-bir kórinisi.
Aıta keteıik, Qazaqstanda sheteldik BAQ-ty tirkeýde aldyn ala habarlaý mehanızmi ǵana qoldanylyp keledi. Kóp jaǵdaıda sheteldik jýrnalıster tarapynan Qazaqstan zańnamasyn buzý jaǵdaılary jıi kezdesip turatynyn da aıta ketken jón. Al álemdik tájirıbege qarar bolsaq, eger sheteldik BAQ ókilderi jergilikti zańnamany buzǵan jaǵdaıda tipti akredıtaııany qaıtaryp alý mehanızmi bar. Máselen, AQSh pen Túrkııada akkredıtaııany qaıtaryp alýmen qatar, sol elde jýrnalıstik qyzmetti jalǵastyrýǵa tyıym bar. Ár el óziniń zańnamasynda sheteldik BAQ ókilderiniń qyzmetin retteý normalaryn áldeqaıda qarastyrǵan.
Jalpy sheteldik BAQ ókilderiniń ózge elde qyzmetin júrgizý úshin tirkeýge alý keń taralǵan álemdik tájirıbe. Basqasyn aıtpaǵanda, álemniń ozyq elderi AQSh, Germanııa, Ulybrıtanııa, Sıngapýr, Malazııa syndy elderde de osy tájirıbe zań júzinde bekitilip, qoldanylyp keledi, al sheteldik BAQ ókilderine ár eldiń qoıar talaby qatań.
Al endi Qazaqstanda tirkeýge alynbaǵan sheteldik BAQ ókilderiniń jumysyn zań júzinde retteý osy álemdik tájirıbege saı jasalyp otyrǵan qalypty jaǵdaı. Qazaqstan Medıa Alıansy tirkeýge alynbaǵan sheteldik BAQ ókilderiniń qyzmetin zańnamada retteýden qandaıda bir teris áreket ne shekteý kórý álemdik tájirıbeden habarsyzdyq dep oılaımyz.
