Özbekstan men AQŞ-tyŋ ıskerlık ökılderı Samarqandta jalpy qūny 12 mlrd dollar bolatyn 54 yntymaqtastyq kelısımıne qol qoidy, dep habarlaidy “Adyrna” tılşısı.
Būl turaly «Gazeta.uz» habarlady.
Kelısımder AQŞ Memlekettık hatşysy Marko Rubio bastaǧan delegasiianyŋ Özbekstanǧa sapary aiasynda jasaldy.
BAQ mälımetınşe, qūjattar önerkäsıp, kölık jäne energetika infraqūrylymy, strategiialyq maŋyzy bar mineraldar, qarjy sektory, sifrlyq tehnologiialar, auyl şaruaşylyǧy, densaulyq saqtau jäne bılım beru salalaryn qamtidy. Taraptar investisiialyq, tehnologiialyq jäne sauda yntymaqtastyǧyn damytudy közdeidı.
Atap aitqanda, Franklin Templeton, Oppenheimer & Co., Citigroup jäne BlackRock kompaniialarymen jasalǧan kelısımder özbekstandyq kompaniialardyŋ halyqaralyq kapital naryqtaryna şyǧuyna, institusionaldyq investorlardy tartuǧa jäne infraqūrylymdyq jobalardy qarjylandyruǧa baǧyttalǧan.
Wabtec kompaniiasymen jasalǧan kelısım temırjol tehnikasy men onyŋ bölşekterın jergılıktı jerde öndırudı damytuǧa mümkındık beredı. Al GE Aerospace kompaniiasy Uzbekistan Airways äue kompaniiasynyŋ jaŋa ūşaqtaryna arnalǧan qozǧaltqyştardy jetkızedı.
Tau-ken önerkäsıbı salasyndaǧy yntymaqtastyq ReElement Technologies, Traxys jäne Trafigura kompaniialarymen jasalǧan kelısımder arqyly bekıtıldı. Qūjattar paidaly qazbalar ken oryndaryn zertteu men igerudı, tehnologiia almasudy jäne strategiialyq maŋyzy bar mineraldardy qosa alǧanda, tabiǧi resurstardy jetkızudı qamtidy.
Sonymen qatar Amazon Leo kompaniiasymen jasalǧan kelısımder sputniktık bailanysty damytuǧa, GE HealthCare kompaniiasymen jasalǧan kelısımder zamanaui medisinalyq tehnologiialardy engızuge, al Valmont Industries kompaniiasymen yntymaqtastyq auyl şaruaşylyǧynyŋ tiımdılıgın arttyruǧa baǧyttalǧan.
Marko Rubionyŋ Samarqandqa sapary aiasynda «Ortalyq Aziia – AQŞ» (C5+1) formatyndaǧy kelıssözderdıŋ ıskerlık baǧdarlamasy 19 qazanda Welcome & Orientation atty kırıspe sessiiasymen bastaldy. Is-şarany Özbekstannyŋ İnvestisiialar, önerkäsıp jäne sauda ministrlıgı Amerikalyq-Özbek sauda palatasymen bırlesıp ūiymdastyrdy.
Ministrlıktıŋ mälımetınşe, ıskerlık baǧdarlamaǧa 400-den astam kompaniianyŋ ökılderı qatysuda. Olardyŋ qatarynda AQŞ-tyŋ 100-den astam, Ortalyq Aziianyŋ basqa elderınen 100 jäne Özbekstannyŋ 200 käsıporny bar.
