Qala künı qarsaŋynda Syr elınde bırqatar äleumettık nysan el igılıgıne tabystaldy. Sonyŋ bırı – üstel tennisı ortalyǧy.
Oblys äkımı Nūrlybek Nälıbaev jaŋa ortalyqtyŋ saltanatty aşylu räsımıne qatysyp, qala tūrǧyndaryn qūttyqtady.
Merekelık ıs-şaraǧa «Samūryq-Qazyna» AQ basqaruşy direktory Ǧibrat Auǧanov, jauapty salalardyŋ, qūqyq qorǧau organdarynyŋ basşylary, Halyqaralyq Qarttar künı qarsaŋynda aimaq basşysynyŋ arnaiy şaqyrtuymen barlyq audannan kelgen ardagerler, ziialy qauym ökılderı qatysty.
«Bügın el igılıgıne berılgen üstel tennisı ortalyǧy Syr sportyna jaŋa serpın äkelıp, jeŋımpazdar syilaidy dep senemız. Süiıktı Qyzylordamyzdyŋ kelbetıne körık qosatyn äsem ǧimarattardyŋ qataryn tolyqtyrǧan ortalyqtyŋ qoldanysqa berıluı barşaŋyzǧa qūtty bolsyn!
Oblystyŋ qarqyndy damuyna qajettı äleumettık nysandardyŋ salynuyna zor üles qosqan «Samūryq-Qazyna» aksionerlık qoǧamy direktorlar keŋesınıŋ müşesı, basqarma töraǧasy Jaqypov Nūrlan Qarşyǧaūlyna jäne «Samūryq-Qazyna Trast» korportivtık qorynyŋ bas direktory Adieva Alfiia Däuletqaliqyzyna Syr jūrtşylyǧy atynan rizaşylyq bıldıremın. Sonymen qatar, ortalyqtyŋ qūrylysyn sapaly jürgızgen «Däneker» jauapkerşılıgı şekteulı serıktestıgıne alǧys aitamyz. Elımızdıŋ kök bairaǧy dübırlı dodalarda biıkte jelbırep, sportşylarymyz jeŋıs tūǧyrynan körınsın!», – dedı Nūrlybek Maşbekūly.
Is-şarada «Samūryq-Qazyna» AQ basqaruşy direktory Ǧibrat Auǧanov, oblystyq üstel tennisı federasiiasynyŋ töraǧasy, Qazaqstannyŋ Eŋbek Erı Abzal Eraliev, Qyzylorda oblysynyŋ Qūrmettı azamaty Samūrat İmandosov söz söilep, igı tılek bıldırdı. Merdıger «SK Däneker» JŞS qūrylysşylary oblys äkımınıŋ Alǧys hatymen marapattaldy.
Halyqtyŋ sūranysyna säikes üstel tennisı ortalyǧyn saluǧa oblystyq biudjetten 2,5 mlrd teŋge bölınıp, qūrylys biyl bastaldy. Oǧan «Samruk Kazyna Trust» äleumettık jobalardy damytu qory 900 mln teŋge qarjy böldı. Ortalyqta 16 üstel tennisı ornalasqan oiyn alaŋy, 350 körermenge arnalǧan oryndar, jattyǧu zaly men äkımşılık bölmeler bar. Mūnda 31 qyzmetker jūmys jasaidy.
