Bügın «Öner ortalyǧynda» 28 mausym – Būqaralyq aqparat qūraldary qyzmetkerlerı künıne arnalǧan «Qanatty qalam – 2026» saltanatty şarasy öttı.
Oǧan oblys äkımı Mūrat Ergeşbaev, oblystyq mäslihat töraǧasy Mūrat Tleumbetov, ziialy qauym ökılderı men sala ardagerlerı qatysty.
Aimaq basşysy jurnalisterdı käsıbi merekemen qūttyqtap, öŋırdegı bastamalar men jaŋaşyldyqtardy halyqqa şynaiy jetkızudegı eŋbekterın joǧary baǧalady.
«Bügın – merzımdı basylymdar men telearnalarda, aqparattyq agenttıkter men saittarda qyzmet ısteitın şyǧarmaşylyq ökılderınıŋ, jurnalist jasaǧan siujet pen jazǧan maqalanyŋ jaryqqa şyǧuyna eŋbek sıŋıretın mamandardyŋ mereilı künı.
Mereke qarsaŋynda Prezidentımız Qasym-Jomart Kemelūly būqaralyq aqparat qūraldary ökılderın Aqorda törınde qabyldap, memlekettık nagradalar tabystady.
«Qyzylorda» telearnasynyŋ ardagerı Qarabala Jaǧyppar Amanjolūly «Parasat» ordenımen nagradtaldy. Būl – Syr jurnalistikasyna berılgen joǧary baǧa.
Memleket basşysy: «Jurnalister qauymy – eŋ aldymen qoǧamnyŋ jarşysy ärı şynaiy janaşyry. Sızder ärdaiym halyqtyŋ kökeiınde jürgen özektı mäselelerdı köterıp, jūrt müddesıne adal qyzmet etıp kelesızder. Memleket sızderdıŋ eren eŋbekterıŋızdı joǧary baǧalaidy» dep erekşe atap öttı.
Ūlttyq jurnalistika tarihynda Syr öŋırınıŋ airyqşa orny bar. Ǧasyrlyq belesıne jaqyndaǧan basylymdar men täuelsızdık jyldarynda şyqqan gazetter – aimaqtyŋ syr-şejıre sandyǧy. Oblystyŋ tarihy, äleumettık-ekonomikalyq damuy men mädeni-ruhani jaŋǧyruynyŋ aiqyn derekközı.
Biyl aimaǧymyzdyŋ jetekşı arnasy – «Qyzylorda» telearnasy 35 jyldyq mereitoiyn atap öttı. Telearna öŋırımızdegı oqiǧalar men aqparattardy jyldam taratyp, el ömırındegı saiasi maŋyzdy jaŋalyqtardyŋ jarşysy bolyp keledı.
Otyz jylǧa juyq körermen közaiymyna ainalǧan «Qoǧam TV» telearnasynyŋ da aqparattyq saiasattaǧy orny erekşe. Aimaq televiziiasynyŋ bügıngı biıgı – ötken men bügındı jalǧaǧan ardagerler eŋbegınıŋ jemısı. Aqparat aidynynda öz qoltaŋbasyn qaldyrǧan maitalman mamandardyŋ tabandylyǧy men qajyrly eŋbegı telejurnalistika tarihynda laiyqty ızın qaldyrdy.
Bügınde taǧylymdy joldan ötıp, ūstazdarynyŋ önegesın jalǧaǧan mamandar elımızge belgılı ırı mediaholdingterde, telearnalarda eŋbek etıp, Syr jurnalistikasy mektebınıŋ mereiın üstem etude.
Täuelsızdık şejıresın, Syr öŋırınıŋ jylnamasyn, qalyptastyrudaǧy qajyrly eŋbekterıŋız üşın Sızderge alǧysymdy bıldıremın!», – dedı Mūrat Nälqojaūly.
Keşe Aqorda törınde ötken räsımde Memleket basşysy jurnalisterdı qoldauǧa, äleumettık jaǧdaiyn jaqsartuǧa basa män berıletının aitqan edı. Keiıngı üş jylda Astana qalasynda ǧana 200 jurnalist baspanaly bolsa, endı būl bastamanyŋ auqymy keŋeidı. Prezident tapsyrmasymen biyl alǧaş ret oblystarda jūmys ısteitın aqparat salasynyŋ 66 qyzmetkerıne päter kıltı berıldı.
Bızdıŋ aimaqta «Syr media» serıktestıgı direktorynyŋ orynbasary Äziz Batyrbekovke jäne «Qyzylorda» telearnasynyŋ teleoperatory Ramazan Jüsıpbekke päter kıltterı tabystaldy.
Saltanatty räsımde aqparat salasynyŋ damuyna eleulı üles qosqan qalam ielerı «Parasat», «Qūrmet» ordenderımen, «Eren eŋbegı üşın» medalımen, QR Mädeniet jäne aqparat ministrlıgınıŋ «Eŋbek ardagerı», «Aqparat salasynyŋ üzdıgı» tösbelgılerımen, Qūrmet gramotasymen, Qazaqstan Jurnalister odaǧynyŋ «Qazaqstannyŋ Qūrmettı jurnalisı» ataǧymen, QR Premer-ministrınıŋ bırınşı orynbasarynyŋ, Premer-ministrınıŋ orynbasary – Mädeniet jäne aqparat ministrınıŋ, oblys äkımınıŋ Alǧys hattarymen, Qūrmet gramotasymen jäne türlı nominasiialarmen marapattaldy.
Qyzylorda oblysy äkımınıŋ baspasöz qyzmetı
