Memleket basşysy Qyzylorda qalasynda jaqynda boi kötergen «Anaǧa taǧzym» ortalyǧyn aralady, dep habarlaidy «Adyrna» ūlttyq portaly Aqordaǧa sılteme jasap.
Atalǧan ortalyq biyl demeuşılerdıŋ qoldauymen salynǧan. Jalpy qūny – 1 milliard 700 million teŋge. Jobanyŋ maqsaty – ūlttyq qūndylyqtardy ūrpaqqa miras etıp qaldyru, dästürlı mädeniettı jaŋǧyrtu, äielder eŋbegın därıpteu. Sonymen qatar qyz-kelınşekter men analardy ömırge, tūrmysqa beiımdeu jūmysymen de ainalysady. Prezident ortalyqta qolöner şeberlerı jasaǧan būiymdar körmesın jäne «Qazaq elınıŋ ūly analary» kartinasyn tamaşalady. Sodan keiın «Anaǧa taǧzym» ortalyǧyndaǧy «Ūlt jaqūty» muzei zalymen, «Miras» äjeler klubymen, «Jas otau» mektebımen, «Şamşyraq» foto-video studiiasymen, psiholog-mediator kabinetımen tanysty. Memleket basşysy mūndai ortalyq jastarǧa tälım-tärbie berude maŋyzdy röl atqaratynyn aitty.– Rasynda, būl jūmys öte maŋyzdy. Jastarymyzdyŋ arasynda ūlttyq salt-dästürımızdı, bolmysymyzdy, tılımızdı, dılımızdı nasihattauymyz kerek. Äitpese, düniejüzınde bolyp jatqan terıs ürdısterdı bärımız körıp otyrmyz. Ondai jaǧymsyz ürdıster elımızde de bar. Bız olarmen küresıp, özımızdıŋ ūlttyq közqarasymyzdy därıpteuımız qajet, – dedı Qasym-Jomart Toqaev.
«Adyrna» ūlttyq portaly
Ūqsas jaŋalyqtar
