Qyzylorda oblysynda mektepke deiıngı bılım beru salasynda jüielı baqylau men qataŋ talaptar engızılude. Jekemenşık balabaqşalarda oryn alǧan keleŋsız jaǧdailardan keiın josparly monitoring jürgızılıp, bırqatar kemşılıkter anyqtaldy. Nätijesınde talapqa sai kelmeitın 94 balabaqşanyŋ memlekettık tapsyrysy toqtatyldy. Būl turaly bügın Öŋırlık kommunikasiialar qyzmetınıŋ aqparat alaŋynda Qyzylorda oblysynyŋ bılım basqarmasynyŋ basşysy Asqarbek Esjanov mälımdedı.
Sonymen qatar, bala qūqyqtary jönındegı uäkıl Jaqsygül Toǧanova men käsıpker, «Şūǧyla» balabaqşasynyŋ qūryltaişysy Seitqali Alşynbaev mektepke deiıngı bılım salasyndaǧy jaǧdaiǧa bailanysty öz közqarastaryn bıldırdı.
- Mektepke deiıngı bılım beru - balanyŋ ömırlık baǧytyn qalyptastyratyn eŋ maŋyzdy kezeŋderdıŋ bırı. Sondyqtan bız būl salaǧa erekşe jauapkerşılıkpen qarap, qauıpsız ärı sapaly orta qalyptastyrudy basty nazarda ūstaimyz. Qazırgı uaqytta oblys boiynşa 676 mektepke deiıngı ūiym jūmys ısteidı. Onyŋ ışınde 464-ı - jekemenşık balabaqşa. Bıraq, ökınışke qarai, osy jekemenşık ūiymdardyŋ basym bölıgı - 389-y yŋǧailastyrylǧan, iaǧni būrynǧy tūrǧyn üilerde, kottedjderde, tıptı eskı monşa ǧimarattarynda ornalasqan. Jürgızılgen monitoring barysynda köptegen kemşılıkter anyqtaldy. Qala men audandarda 2025 jyldyŋ 18 säuırınen 18 mamyryna deiın 464 jeke balabaqşanyŋ 219-y tek Qyzylorda qalasynda tekserıldı. Monitoring qorytyndysymen 94 balabaqşada anyqtalǧan zaŋbūzuşylyqtar joiylmaǧandyqtan, olardyŋ memlekettık tapsyrysy toqtatyldy. Onyŋ ışınde Qyzylorda qalasynan - 44, Jaŋaqorǧan audanynan - 24, Şielı audanynan - 26 balabaqşa tapsyrystan alyndy. Būl şeşım balalardyŋ balabaqşamen qamtyluyna kerı äser etpeidı. Sebebı qazırgı uaqytta oblys boiynşa 1600-den astam bos oryn bar. Qaǧida talaptaryna sai jūmys ıstep otyrǧan balabaqşalarǧa balalar qaita baǧyttalady. Bız būl jūmystardy biyl ǧana qolǧa alǧan joqpyz. 2023 jyldan bastap barlyq balabaqşalarda «Face ID» jüiesı engızıldı. Sonyŋ nätijesınde balalardyŋ kelu-kelmeu deregı avtomatty tırkelıp, artyq qarjy töleu mäselesı şeşıldı. 2023-2025 jyldary biudjetten ünemdelgen qarajat kölemı - 14 mlrd teŋge. Sonymen qatar, densaulyq saqtau salasymen integrasiia arqyly endı ata-anadan anyqtama talap etpei-aq, balalardyŋ bolnichnyida ekenın bazadan köruge mümkındık bar. Bızdıŋ maqsatymyz - balaǧa qauıpsız, sapaly ärı jaily orta qalyptastyru. Bız osy baǧytta jūmysty jalǧastyramyz. Eger balabaqşa ielerı öz ısıne jauapkerşılıkpen qaramasa, bız talapty odan ärı küşeituge mäjbürmız. Bala amandyǧy - bärınen biık,-dedı Asqarbek Temırbekūly.
- Qazırgı uaqytta balalardyŋ qauıpsızdıgın qamtamasyz etu - qoǧam aldyndaǧy ülken jauapkerşılık. Äsırese, mektepke deiıngı ūiymdarda bala qūqyqtarynyŋ qorǧaluyna erekşe män berıluı tiıs. Ökınışke qarai, soŋǧy kezderı jekemenşık balabaqşalarda oryn alǧan oqiǧalar - bärımızdı oilandyruy kerek. Är balanyŋ densaulyǧy men amandyǧy - qai uaqytta da bırınşı orynda tūruy tiıs. Sondyqtan käsıpkerler de, ata-analar da, tiıstı organdar da būl mäselege beijai qaramauy kerek. Balabaqşa aşu - būl jai ǧana käsıp emes, ūrpaq tärbiesıne qosylǧan üles, sondyqtan käsıpkerler är qadamyna jauapty bolǧany jön. Bız bala qūqyqtary jönındegı uäkıl retınde ata-analarmen, tiıstı mekemelermen bırlesıp jūmys ısteudı jalǧastyramyz,-dedı Jaqsygül Qohanqyzy.
- Bala tärbiesı - sözben emes, ıspen däleldenetın ülken jauapkerşılık. Äsırese, mektepke deiıngı bılım beru mekemelerınde ärbır balanyŋ qauıpsızdıgı, densaulyǧy, jaqsy tärbiesı men sapaly bılım aluy - basty mındet. Men būl salany jaqsy bılemın, köp jyldan berı balabaqşa aşyp, ony damytu jolynda eŋbek etıp kelemın. Sondyqtan da balabaqşa aşudy jai ǧana käsıp dep qarauǧa bolmaidy. Būl - el bolaşaǧyna, ūrpaq tärbiesıne qosylǧan naqty üles. Bügınde memleket tarapynan balabaqşalarǧa qoiylyp otyrǧan talaptar öte dūrys ärı oryndy. Sebebı ärbır ata-ana balasyn senıp tapsyratyn oryn, eŋ aldymen qauıpsız boluy tiıs. Osy rette käsıpkerlerge ülken jauapkerşılık jükteledı. Tek balaǧa qolaily jaǧdai jasap qana qoimai, tärbie men bılım beru ısıne erekşe köŋıl böluımız qajet. Būl jerde tärbieşılerdıŋ bılıktılıgı, materialdyq baza, sanitarlyq talaptardyŋ saqtaluy, ört qauıpsızdıgı - bärı maŋyzdy. Men ärdaiym balabaqşada tärtıp pen talap qatar jüruı kerek dep sanaimyn. Tek osylai ǧana bız ata-analardyŋ senımınen şyǧyp, balalardyŋ qauıpsız ärı jaily ortada ösuıne mümkındık bere alamyz. Sondyqtan är käsıpker, är balabaqşa basşysy öz ısıne asqan jauapkerşılıkpen qarap, balanyŋ amandyǧyn, qauıpsızdıgın, sapaly tärbiesın bırınşı orynǧa qoiuy kerek. Bız bolaşaq ūrpaqtyŋ negızın qalap jatqanymyzdy ärdaiym esten şyǧarmauymyz kerek,-dedı Seitqali Begmanūly.
