Qazaqstan men Úndistan terrorızmge qarsy birlesken oqý-jattyǵýyn bastady. Bul týraly QR Qorǵanys mınıstrliginiń baspasóz qyzmeti málimdedi, dep habarlaıdy “Adyrna” ulttyq portaly.
«Jattyǵý barysynda eki kontıngenttiń áskerı qyzmetshileri lańkestikke qarsy qaýipsizdikti qamtamasyz etý boıynsha taýly daıyndyq pen tájirıbelik daıyndyq aıasynda birlesken jumystan ótedi. Qoný satysynda Qazaqstannyń Áýe shabýyly kúshteriniń áskerı qyzmetshileri úndistandyq áriptesterimen birge taýly aımaqtarda parashıýtpen sekiredi», - delingen habarlamada.
Jyl saıynǵy birlesken oqý-jattyǵýǵa qatysý úshin Úndistanǵa Qazaqstannyń Qurlyq áskerleri men Áýe shabýyly kúshteriniń «Ońtústik» óńirlik qolbasshylyǵy áskerı qyzmetshileriniń birikken rotasy bardy.
Sondaı-aq, «KazInd-2024» birlesken taktıkalyq oqý-jattyǵýy Qazaqstan men Úndistan qorǵanys mınıstrlikteri arasyndaǵy ekijaqty yntymaqtastyq josparyn júzege asyrý aıasynda ótip jatqany habarlandy.
