قازاقستان مەن ءۇندىستان تەرروريزمگە قارسى بىرلەسكەن وقۋ-جاتتىعۋىن باستادى. بۇل تۋرالى قر قورعانىس مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«جاتتىعۋ بارىسىندا ەكى كونتينگەنتتىڭ اسكەري قىزمەتشىلەرى لاڭكەستىككە قارسى قاۋىپسىزدىكتى قامتاماسىز ەتۋ بويىنشا تاۋلى دايىندىق پەن تاجىريبەلىك دايىندىق اياسىندا بىرلەسكەن جۇمىستان وتەدى. قونۋ ساتىسىندا قازاقستاننىڭ اۋە شابۋىلى كۇشتەرىنىڭ اسكەري قىزمەتشىلەرى ۇندىستاندىق ارىپتەستەرىمەن بىرگە تاۋلى ايماقتاردا پاراشيۋتپەن سەكىرەدى»، - دەلىنگەن حابارلامادا.
جىل سايىنعى بىرلەسكەن وقۋ-جاتتىعۋعا قاتىسۋ ءۇشىن ۇندىستانعا قازاقستاننىڭ قۇرلىق اسكەرلەرى مەن اۋە شابۋىلى كۇشتەرىنىڭ «وڭتۇستىك» وڭىرلىك قولباسشىلىعى اسكەري قىزمەتشىلەرىنىڭ بىرىككەن روتاسى باردى.
سونداي-اق، «KazInd-2024» بىرلەسكەن تاكتيكالىق وقۋ-جاتتىعۋى قازاقستان مەن ءۇندىستان قورعانىس مينيسترلىكتەرى اراسىنداعى ەكىجاقتى ىنتىماقتاستىق جوسپارىن جۇزەگە اسىرۋ اياسىندا ءوتىپ جاتقانى حابارلاندى.
