Jıyrma mıllıonshy turǵynnyń Ulytaý oblysynda dúnıege kelgeni belgili boldy. Óńir ákimi náreste men onyń ata-anasyna quttyqtaý joldap, ystyq yqylasyn jetkizdi.
«Qurmetti Ulytaý oblysynyń turǵyndary, qadirmendi jerlester!
Qazaqstan halqynyń sany 20 mıllıonǵa jetkeni jaıyndaǵy aqjoltaı habar barshamyzdyń tóbemizdi kókke jetkizdi. Al jıyrma mıllıonynshy turǵynnyń jıyrmasynshy óńirde, ıaǵnı Ulytaý oblysynda ómirge kelýi biz úshin zor maqtanysh.
Búgin Memleket basshysy Qasym-Jomart Toqaev ta el turǵyndaryn mereıli kúnmen quttyqtap, baqytty otbasy — baqýatty eldiń negizi ekenin jetkizdi.
Qurmetti ulytaýlyqtar!
Bul — ulttyń qýanyshy, ortaq jetistik. Ulytaý oblysy, Qoskól aýylyndaǵy Seıitjanovtar áýletinde kelgen kishkentaı Tomırıs hanshaıym atyna saı tulǵa, eldiń azamaty bolsyn! Ákesi Suńǵat Seıitjan men anasy Áıgerim Moldashevanyń tuńǵysh perzenti deni saý urpaq bop ósýine tilektespin! — dep jazdy Ulytaý oblysynyń ákimi.
