Lıtva úkimeti Belarýs prezıdenti Aleksandr Lýkashenkonyń óz halqyna qarsy jasaǵan qylmystaryn tergeýge arnalǵan materıaldardy Gaagadaǵy Halyqaralyq qylmystyq sotqa resmı túrde tapsyrdy. Tıisti málimdeme búgin, 30 qyrkúıekte Lıtva Ádilet mınıstrliginiń saıtynda jarııalandy, dep habarlaıdy «Adyrna» tilshisi.
«Belarýste 2020 jyldyń 1 mamyrynan bastap kúni búginge deıin joǵary laýazymdy saıasatkerler men áskerı qyzmetkerlerdiń nusqaýy boıynsha adamzatqa qarsy qylmystar, onyń ishinde deportaııa, qýdalaý jáne basqa da áreketter jasaldy dep sanaýǵa negiz bar»,—delingen habarlamada.
Ádilet mınıstrliginiń habarlaýynsha, Lıtva Belarýstegi ahýal týraly qujattardy Halyqaralyq qylmystyq sot qaraýyna bergen alǵashqy memleket bolyp otyr.
Eske salaıyq, 2020 jyly bul elde prezıdent saılaýynan keıin jappaı narazylyq bastalǵan edi. Ol 6 aıdan astam ýaqyt boıy jalǵasty. Qaýipsizdik kúshteri narazylyq akııalaryn qatań túrde basyp tastady. Keminde tórt adam qaza taýyp, júzdegen adam oppozıııalyq áreketteri úshin túrmege jabyldy.
