Bıyl 21 aqpanda qala ákiminiń №464 qaýlysyna sáıkes, Taraz qalasy aýmaǵynda kóktemgi abattandyrý jáne sanıtarlyq tazalaý jónindegi eki aılyq jarııalanǵan. Aılyq aıasynda qalada atqarylǵan ońdy ister az emes.
Bekitilgen is-shara josparyna sáıkes uıymdastyrylǵan aptalyq senbilikterge memlekettik jáne jeke nysandaǵy kásiporyndar, sonymen qatar qala turǵyndary atsalysyp, ózderine bekitilgen aýmaqtary boıynsha tazalyq jumystaryn júrgizdi.
Qala aýmaǵyndaǵy kósheler men kópqabatty turǵyn úı aýlalarynda qoqys qaldyqtary tazalanyp, shóbi shabyldy. Bul iske turaqty túrde 35 dana tehnıka men apta saıyn 5000-ǵa jýyq adam kúshi tartyldy. Nátıjesinde barlyq aýmaq boıynsha «Jasyl el – Taraz» JShS shamamen 16 000 tonna turmystyq qatty qaldyqtardy arnaıy orynǵa shyǵardy. Sondaı-aq 120 shaqyrymdy quraıtyn aryq júıesi tazalandy. Aýla men kóshe jaǵalarynda 1 600 000 sharshy metr shóp oryldy. Sonymen qatar qala boıynsha 78 kósheniń syrlanýy josparlansa, búgingi tańda 30 kósheniń boıynda ornalasqan 3152 dana baǵana syrlanyp, qalpyna keltirildi. Sondaı-aq kóriktendirý jáne kógerishtendirý maqsatynda qala aýmaǵynda ornalasqan gúlzarlar men saıabaqtarda 60719 dana kóp jyldyq jáne merzimdik gúlder otyrǵyzyldy. Buǵan qosa arnaıy belgilengen jerlerge 6954 dana taldardyń kóshetteri egildi.
Aqpannyń 15-inen bastap qalalyq ishki ister basqarmasynyń qyzmetkerlerimen birigip, okrýg ınspektorlary tarapynan turǵyndar arasynda tazalyqty saqtaý boıynsha túsindirme jumystary júrgizilýde. Júıeli jumystyń nátıjesinde kóshe boıynda kezdeısoq qoqys pen ınertti qurylys materıaldaryn tastaǵan, qorshaǵan ortany lastaǵan 556 azamat anyqtalyp, 468 azamatqa eskertýler berilse, 88 turǵynǵa ákimshilik quqyq buzýshylyq kodeksine sáıkes hattama toltyryldy. Salynǵan aıyppuldar kólemi 1 595 239 teńgeni qurady. Byltyrǵy jylmen salystyrǵanda aıyppul kólemi 6 esege artqan. Máselen, ótken jyly kóshege qoqys tastaǵan, ortaq paıdalanatyn oryndardy lastaǵan 14 azamatqa aıyppul salynsa, bıyl jyl basynan bastap 88 azamat aıyppul arqalady.
Qazirgi tańda qalanyń sáýlettik kelbetin saqtaý maqsatynda jáne beıbereket saýdanyń aldyn alý úshin qala aýmaǵynan zańsyz qoıylǵan 161 dana dúńgirshek anyqtalyp, 67 danasy alyndy. Ákimshilik quqyq buzýshylyq kodeksine sáıkes dúńgirshek ıelerine eskertýler jasalyndy.
Sonymen qatar qalada turmystyq qatty qaldyqty tastaýǵa arnalǵan 328 alańsha bar. Olar 1540 dana jáshikpen qamtylǵan. Aıtalyq, 2023 jyly qajettilikke baılanysty 1120 dana qoqys jáshigi satyp alynyp, eskirgen jáshikter almastyryldy. Buǵan qosa qala aýmaǵyndaǵy osy atalǵan alańshalarda polıetılen qaldyqtardy jınaý, shyǵarý, qaıta óndeýge jiberý qyzmetimen qala boıynsha «Kaz Ecology» JShS jáne JK «Bahyt» aınalysady. Búgingi tańda shahar aýmaǵynda bul kásipkerler tarapynan 620-ǵa jýyq setkalyq jáshikter ornatylǵan.
Budan bólek, Memleket basshysynyń tapsyrmasymen qolǵa alynǵan «Taza Qazaqstan» akııasy aıasynda oblysymyzda «Taza aýla. Taza ólke. Taza el!» ekologııalyq naýqany bastaý aldy. Aýqymdy akııanyń sheńberinde ár apta saıyn shaharda tazlyq jumystary júrgizilip, taldar egilýde. Sharaǵa Taraz qalasynyń ákimi Baqytjan Orynbekov, ardagerler, erikti jastarmen birge qatysyp, akııaǵa óz úlesin qosýda.
Bul jumystardyń basty maqsattarynyń biri – mekeme qyzmetkerlerinen bastap elge ónege bolý arqyly halyqty ortaq iske jumyldyrý. Sondyqtan tazalyq jumystary áli de jalǵasyn tabady.
