Búginde Taraz qalasynda turǵyn úılerdi jańǵyrtýǵa basa den qoıylýda. Turǵyn úı-kommýnaldyq ınfraqurylymdy damytýdyń 2023-2029 jyldarǵa arnalǵan tujyrymdamasy boıynsha bıyl 53 kóppáterli turǵyn úıdi jańǵyrtý josparlanǵan bolatyn.
Qazirgi tańda atalǵan nysandarda 23 merdiger mekeme tarapynan jóndeý jumystary qarqyndy júrýde. Jańǵyrtý jumystary bıylǵy qarasha aıynyń sońyna deıin tolyǵymen aıaqtalady dep kózdelýde. Taǵy bir aıta keterligi, qurylys jumystaryna jumsalǵan qarajatty qaıtarý, kondomınıým obektisinde ornalasqan páter aýdanyna saı, ár páter ıesine proporıonaldy túrde eseptelip, qaıtarym merzimi on bes jyl bolyp belgilengen.
Bıyl buǵan qosa «Interstroı Azııa» JShS tarapynan Tóle bı kóshesinde ornalasqan №11, «Turǵyn úı jóndeý», «Abyroı Invest» jáne «TarazGazNur» JShS merdigerligimen «Qarataý» yqshamaýdany, №37 «A», №39 jáne «Saltanat» yqshamaýdany, №29 «A», №29 «B» jataqhanalaryna jóndeý jumystar júrgizilýde.
Budan bólek, kommýnaldyq menshikte turǵan «Báıterek» yqshamaýdanyndaǵy №5, 8, 12, 14, 31, 39 úılerge «Arqas-A», «Iýg-TehSnab» JShS merdigerligimen qurylys jumystary qolǵa alyndy.
Bıyl tek yqshamaýdandar ǵana emes, ortalyqtaǵy úılerge de basymdyq berilýde. Sonyń aıqyn aıǵaǵy – «Qarataý qurylys 2030» JShS merdigerligimen Tóle bı dańǵylynda ornalasqan №38, 40, 44, 48, 50, 52, 54, 56, 57, 58, 59, jalpy sany 11 kóppáterli turǵyn úıdiń qasbetteri, shatyrlary kúrdeli jóndeýden ótýde.
