Tarazda jol jöndeu jūmystary qarqyndy jürude

Tarazdyqtardyŋ jiı qozǧaityn mäselesınıŋ bırı – jol. Degenmen, soŋǧy ekı jylda oblys ortalyǧynda jol jöndeu jūmystary qarqyndy jürude. Öitkenı, qalany damytudyŋ üş jyldyq josparynda atalmyş mäselege basa nazar audarylǧan. Rasynda, qalanyŋ säuletı men ajaryn aişyqtap tūratyn basty beinelı körınısı osy joldyŋ jaiy ekenı jasyryn emes. Şahardyŋ sän-saltanatynan bölek, qatynastyŋ qolailylyǧy men tūrǧyndardyŋ qauıpsızdıgı jäne kölık qozǧalysynyŋ dıttegen baǧytyna uaqytynda jetuı de jol sapasyna tyǧyz bailanysty. Baqytjan Orynbekov Taraz qalasynyŋ äkımı bolyp taǧaiyndalǧan sätten bastap şahar joldarynyŋ taqtaidai tegıs boluyna erekşe nazar audaryp keledı. Aitalyq, bügınde oblys ortalyǧynda 1 445 köşe joly bolsa, onyŋ 902-ne asfalt, 543-ne şaǧal tas töselgen. Atalǧan joldardyŋ jalpy ūzyndyǧy 1888 şaqyrymdy qūraidy. Mäselen, 2023 jyly qala köşelerın ortaşa jöndeuge jergılıktı biudjetten 3,59 mlrd teŋge qarastyrylyp, ūzyndyǧy 87,5 şaqyrymdy qūraityn 45 jobada, onyŋ ışınde 145 köşe, būrylys, tūiyq, ötkel jäne 7 jaiau jürgınşı jolynda qūrylys-montaj jūmystary jürgızıldı. Atap aitqanda, şahardyŋ soltüstık-şyǧysyndaǧy Buryl jäne Sarykemer baǧytyndaǧy küre joldy jöndeu jūmystary merdıger «Rauan» JŞS-men jürgızıldı. Odan bölek, «Myŋbūlaq» jäne «Samal» yqşamaudandaryndaǧy mektep pen balabaqşalarǧa baratyn jaiau jürgınşı joldary salyndy. Sonymen qatar, «Köktem» jäne «Arai» alqabynan yqşamaudandarǧa baratyn jaiau jürgınşı joldary el igılıgıne berıldı. Sondai-aq «B grass» JŞS-nıŋ merdıgerlıgımen Jıbek joly, Baluan Şolaq köşelerınde, «Ūly dala» şaǧyn audanynda ortaşa jol jöndeu jūmystary jürdı. Būdan bölek, merdıger «Nūrly Jol 7» JŞS-men №15 yqşamaudanǧa baratyn Qoişybekov köşesınde (Köşek batyr köşesınen Puşkin köşesıne deiın) ortaşa jöndeu jūmystary jürgızılıp, jol bölıgı keŋeitıldı. Oblys ortalyǧynda mūndai atqarylǧan jūmystardy köptep mysalǧa keltıruge bolady. Degenmen, qaladan şalǧai jatqan äuejai aimaǧy, «Şalǧai Qarasu», «Qant zauyty» syndy tūrǧyn alqap tūrǧyndary otyz jyldan keiın taqtaidai tegıs joldyŋ igılıgın körgenın atap ketpese bolmas. Al «Buryl» men «Baryshan» tūrǧyn  alqaptarynda jol mäselesı kezeŋ-kezeŋımen şeşılıp keledı. Byltyr «Buryl» alqabynda 15 köşege asfalt jabyndysy töselse, biyl atalmyş alqaptyŋ barlyq 60 köşesıne asfalt jabyndysynyŋ bırınşı qabaty töseledı. «Baryshan» alqabynda byltyr tūrǧyndar sūranysy boiynşa qoǧamdyq kölık qatynaityn bır köşege asfalt töselse, biyl segız köşe iıgılıktı ıstıŋ nätijesın köredı dep josparlanuda. Jalpy, Tarazda qalaışılık joldardy qaita jaŋǧyrtu jūmystary da qarqyn aldy. Aitalyq, 2022 jyly bastalǧan Taşkent jäne Mämbet batyr köşelerın qaita jaŋǧyrtu jūmystary tolyǧymen aiaqtalyp, jaiau jürgınşı joly salyndy. Sondai-aq Mämbet batyr köşesı «Auyl Bereke» bazaryna baratyn küre jol bolǧandyqtan kölık keptelısın azaitu maqsatynda qaita jaŋǧyrtu jürgızılgen bolatyn. Būǧan qosa, Şostakovich jäne Saŋyraq batyr köşelerınde qaita jaŋǧyrtu jūmystary bastalyp, 2024 jyly qūrylys-montaj jūmystary tolyǧymen tämamdaldy. Nätijesınde, jol bölıgı 2 jolaqtan 4 jolaqqa keŋeitılıp, jaiau jürgınşı joly salyndy. Sonymen qatar ötken jyly «Nūrly Jol-7» JŞS-nıŋ merdıgerlıgımen 29 904 şarşy metrdı, ünemdelgen qarajat esebınen merdıger «RusStroy» JŞS-men 4 622 şarşy metrdı aǧymdy jöndeu jūmystary aiaqtaldy. Būdan bölek, merdıger «Nūr Abdrahman joldary» JŞS-men saiajai alqaptaryna baratyn joldarǧa da aǧymdy jöndeu jūmystary jürgızılgen. Jol jöndeu jūmystary aǧymdaǧy jyly öz jalǧasyn tabuda. Biyl ortaşa jöndeuge  jergılıktı biudjetten 3,9 milliard teŋge qaralyp, ūzyndyǧy 68,6 şaqyrymdy qūraityn 41 jobany, (onyŋ ışınde 118 köşe, būrylys, tūiyq, ötkel), odan bölek ūzyndyǧy 18,1 şaqyrymdy qūraityn 7 jaiau jürgınşı jolyn jäne ūzyndyǧy 73,8 şaqyrymdy qūraityn şaǧal joldy (onyŋ ışınde 165 köşe, būrylys, tūiyq, ötkel) jöndeu josparlanǧan. Soŋǧy atalǧan jūmystar (şaǧal jol töseu) «Pobeda», «Bereke», «Iýbileinyi», «Himik», «Jambylstroi», «Kommunalnik», «Leto», «Veteran» sekıldı şalǧai alqaptardy qamtidy. Bügıngı künge josparlanǧan 41 jobanyŋ jartysynan köbısınde asfalt töseu jūmystary aiaqtaldy. Sondai-aq jaiau jürgınşıler joly da el igılıgıne berıldı. Degenmen, tūrǧyndar tarapynan jiı köterılgen aumaqtardyŋ bırı «Ūly Dala» yqşamaudany bolatyn. Qazır atalmyş şaǧyn audanda ūzyndyǧy 9,2 şaqyrymdy qūraityn 10 köşesıne ortaşa jöndeu jūmystary jürgızıldı. Atap aitqanda, Qoişybekov köşesı (Süleimenov köşesınen bastap Köşek batyr köşesıne deiın) ortaşa jöndeuden ötıp, Appasov köşesı arqyly «Ūly Dala» yqşamaudanyna tıkelei qatynauǧa mümkındık tudy. Sondai-aq 2024 jyly qala köşelerınıŋ 23 980,8 şarşy metrıne aǧymdy jöndeu jūmystaryna konkurs jariialanyp, sonyŋ nätijesı boiynşa jeŋımpazdarmen kelısımşart jasalyp, tiıstı jūmystar jürude. Aitalyq, «Taraz qalasynyŋ negızgı köşelerındegı ŞMA jabyndaryn auystyru (marşrut ädısı)» nysany boiynşa «KATSA» JŞS-men kelısımşart jasalyp, Täuke han, Töle bi, Äl Farabi, Süleimenov, Äiteke bi, Qazybek bi, Qonaev, Baizaq batyr köşelerınde jūmystar jürgızıldı. Sonymen qatar №1-10 yqşamaudandardyŋ kıreberıs joldaryna aǧymdy jöndeu jūmystary jasaldy. Jol sapasyn jaqsartu jūmystary keler jyldyŋ josparynan da tys qalmaidy. Mäselen, 2025 jyly qala köşelerın ortaşa jöndeu jūmystaryna jobalyq-smetalyq qūjattama äzırlenıp, köşelerdıŋ tızımı boiynşa biudjet qarajatyn tiımdı paidalanu maqsatynda kommunaldyq mekemelermen kelısu jūmystary jürgızılude. Būdan bölek, Qoigeldı, Asqarov, Rysbek batyr, «28 saiajai» arqyly ötetın ortalyq köşenı (Qūmşaǧal temırjol ötkelınen bastap Asa-Talas kanalyna deiın), ainalma joldy Asa-Talas kanalynan eskı Aişa bibı beketıne deiın qaita jaŋǧyrtu jūmystary josparlanyp otyr.