Kúnnen-kúnge órkendegen Taraz qalasy shuraıly shejiresimen qosa, shyraıly kórkimen de talaıdyń tańdanysyn týdyryp keledi. Bul bir jaǵynan kóne shahardyń týrızm ortalyǵyna aınalýyn jedeldete túsedi. Ásirese, kópqabatty turǵyn úılerdiń syrtqy kelbeti qalaǵa aıaldaǵan árbir adamnyń nazaryn birden aýdarary sózsiz. Sondyqtan birer jyldyń bederinde Tarazda osy baǵytta ilkimdi ister qolǵa alyndy.
Árıne, búginde tozyǵy jetken úılerdiń qala kórkin qashyryp ǵana qoımaı, turǵyndardyń tirshiligi úshin de qolaısyz jaqtary kóbeıe bastaǵany belgili. Osyǵan oraı, shahar aýmaǵyndaǵy paıdalanýǵa berilgenine 30 jyldan asqan 1 103 úıdiń buǵan deıin 489-y kúrdeli jóndeýden ótkizilse, qalǵan 614 úıdi jańǵyrtý aldaǵy ýaqytqa josparlanýda.
Erekshe aıta keterligi, «Óńirlerdi damytýdyń 2020 jylǵa deıingi baǵdarlamasy» jáne «Nurly jer» 2021-2025 jyldarǵa arnalǵan turǵyn úı-kommýnaldyq sharýashylyqty damytý baǵdarlamalary aıasynda kóppáterli turǵyn úılerge jóndeý jumystary 2011 jyldan bastap qolǵa alynyp, respýblıkalyq, jergilikti bıýdjet pen qaıtarym qarajatty qosa alǵanda 16, 590 mlrd teńgege joǵaryda atalǵan 489 úıge jóndeý jumystary júrgizildi. Nátıjesinde, kúrdeli jóndeýdi qajet etetin kóppáterli turǵyn úılerdiń úlesi 43-ten 39 paıyzǵa tómendedi. Sondaı-aq Turǵyn úı-kommýnaldyq ınfraqurylymdy damytýdyń 2023-2029 jyldarǵa arnalǵan tujyrymdamasy boıynsha 2024 jylǵa 53 kóppáterli turǵyn úı jańa keıipke enbek. Bul boıynsha bıýdjettik ótinim Qurylys jáne turǵyn úı-kommýnaldyq sharýashylyq isteri komıtetine usynylyp, bıyl tıisti qarjynyń bólinýi qarastyryldy.
Buǵan qosa, 2025 jyly 54 úıge kúrdeli jóndeý jumystaryn júrgizý úshin bıýdjettik ótinim Qurylys jáne turǵyn úı-kommýnaldyq sharýashylyq isteri komıtetine tapsyrylǵan.
Sonymen qatar «Interstroı Azııa» JShS tarapynan Tóle bı kóshesinde ornalasqan №11, «Turǵyn úı jóndeý», «Abyroı Invest» jáne «TarazGazNur» JShS-niń merdigerligimen «Qarataý» yqshamaýdany, №37 «A», №39 jáne «Saltanat» yqshamaýdany, №29 «A», №29 «B» jataqhanalaryna ishki árleý, sý, jylý, káriz, elektr qýatyn jóndeý boıynsha jumystar júrgizilýde. Budan bólek, kommýnaldyq menshikte turǵan «Báıterek» yqshamaýdanyndaǵy №5, 8, 12, 14, 31, 39 úılerge «Arqas-A», «Iýg-TehSnab» JShS merdigerligimen jóndeý jumystary qolǵa alyndy.
Bıyl tek yqshamaýdandar ǵana emes, ortalyqtaǵy úılerge de basymdyq berilýde. Sonyń aıqyn aıǵaǵy – «Qarataý qurylys 2030» JShS merdigerligimen Tóle bı dańǵylynda ornalasqan №38, 40, 44, 48, 50, 52, 54, 56, 57, 58, 59, jalpy sany 11 kóppáterli turǵyn úıdiń qasbetteri, shatyrlary kúrdeli jóndeýden ótýde.
Osy rette aıta keterligi, Abaı dańǵylyndaǵy №117, 121, 123, 128, 129, 130, 132, 134, Jeltoqsan kóshesi, 71, Áıteke bı kóshesi, №1, 2 jáne Qazybek bı kóshesi, №103, 113, 120, 140 turǵyn úılerdi de jańǵyrtý maqsatynda jobalyq-smetalyq qujattamalary ázirlenýde.
Búginde Taraz qalasynyń turǵyn úı qorynda 1438 kóppáterli turǵyn úı bar. Olardyń barlyǵy keleshekte josparǵa saı kezeń-kezeńimen jańa keıipke enedi.
