Áne-mine degenshe referendým kúni taıap qaldy. Qazannyń alǵashqy jeksenbisinde el bolashaǵy úshin mańyzdy sheshim qabyldanady. Osyǵan deıin úsh referendým ótkizgen Qazaqstanda bul joly ekonomıkalyq damýǵa tikeleı áser etetin elimizdiń energetıkalyq bolashaǵy aıqyndalmaq.
«Biz mańyzdy strategııalyq máselelerge qatysty túpki sheshimdi referendým arqyly qabyldaýymyz qajet. Bul – 2019 jyly saılaý aldynda meniń halyqqa bergen ýádem», - degen Memleket basshysy Qasym-Jomart Toqaev prezıdenttik qyzmetiniń alǵashqy kúnderinen bastap-aq qoǵamnyń ózin-ózi uıymdastyrý tetikterin belsendi túrde ilgeriletip keledi. Prezıdent osy ustanymyn bıylǵy Joldaýynda taǵy da rastap, AES salýǵa qatysty barynsha baıypty sheshim qabyldaý qajet ekenin aıtty.
Máseleniń mańyzdylyǵyn eskergen elimizdegi bedeldi saıası jáne qoǵamdyq uıymdar AES salýdy qoldaý jónindegi Halyqtyq shtabqa birikti. Olar jurtshylyqty AES salý jónindegi progressıvti ıdeıa tóńireginde toptastyrýdy maqsat etip, elimizdiń túkpir-túkpirinde túsindirý jumystaryn júrgizip jatyr.
Halyqtyq shtabtyń alǵashqy otyrysynda Májilis Spıkeri, «AMANAT» partııasynyń Tóraǵasy Erlan Qoshanov búginde energetıkalyq táýelsizdik máselesi kún tártibinde alǵashqy orynǵa shyqqanyn atap ótti.
«Bizdiń árqaısymyz balalarymyzdyń qýatty jáne eshkimge muqtaj bolmaıtyndaı táýelsiz memlekette ómir súrgenin qalaımyz. AES salý týraly sheshimdi qabyldaı otyryp, biz osy asqaq armanymyzǵa qaraı qadam jasaımyz. Biz eldiń energetıkalyq táýelsizdigin shegelep bekitemiz. Bolashaq urpaqqa energetıkalyq turǵydan táýelsiz, ıaǵnı ekonomıkasy turaqty jáne órkendegen Qazaqstandy mura etip qaldyramyz», - dedi ol.
Qazir el aýmaǵynda atom energetıkasy máseleleri boıynsha aýqymdy qoǵamdyq tyńdaýlar ótip jatyr. Ekonomıkany damytyp, birqatar ekologııalyq máseleni sheshý úshin turaqty jáne qaýipsiz energııa kózi qajet ekeni jurtshylyqqa keńinen túsindirilýde. Sonyń arqasynda qazir qoǵamda AES salýdy qoldaýshylar qatary kóbeıgen. Bul sózimizge elimizde júrgizilgen áleýmettik zertteýler dálel bola alady. «AMANAT» partııasynyń Qoǵamdyq saıasat ınstıtýty júrgizgen áleýmettik saýalnama nátıjesi boıynsha respondentterdiń 59,3%-y Qazaqstanda AES salýdy qoldaıdy.
Respýblıkalyq Halyqtyq shtab ókilderi osyǵan deıin Túrkistan, Qaraǵandy, Jambyl, Ulytaý, Almaty, Atyraý, Qyzylorda, Soltústik Qazaqstan oblystaryna jáne Almaty men Shymkent qalalaryna arnaıy bardy. Olar qalalar men oblys ortalyqtaryna ǵana emes, shalǵaı eldi mekenderdi de aralap, eńbek ujymdarymen, óńirdegi belsendi azamattarmen jáne jalpy jurtshylyqpen ashyq dıalog júrgizýde.
Senat Tóraǵasy Máýlen Áshimbaev bastaǵan depýtattar, sarapshylar jáne qoǵam qaıratkerleri Pavlodar, Aqsý qalalarynda bolyp, energetıkalyq korporaııanyń ujymymen, metallýrgııa salasynda eńbek etetin mamandarmen, óńirdegi sarapshylar qaýymdastyǵymen jáne jastarmen júzdesti.
«Qazaqstannyń energetıkalyq qaýipsizdigin nyǵaıtý jolynda óz atom elektr stansasyn salý máselesi óte ózekti. Mundaı joba myńdaǵan jańa jumys ornyn ashýǵa múmkindik beredi. Sondaı-aq elimizdiń elektr energııasynyń ımportyna táýeldilikti azaıtý baǵytyna da mýltıplıkatıvti áser etedi. Mundaı qadam joǵary bilikti mamandar daıarlaýǵa, Qazaqstan ekonomıkasynyń ınnovaııa men ǵylymdy qajet etýin arttyrýǵa da tyń serpin beretini anyq», – degen Máýlen Áshimbaev kezdesýge qatysýshylardy Memleket basshysynyń AES salý týraly bastamasyn qoldaýǵa, sol arqyly eldiń damýyna óz úlesterin qosýǵa shaqyrdy.
Sonymen qatar, quramynda B.Izmuhambetov, S.Imasheva, N.Sársenǵalıev, E.Saırov sııaqty birqatar halyq qalaýlysy men ıadrolyq energetıka salasynyń sarapshylary bar Halyqtyq shtabtyń taǵy bir toby Batys Qazaqstan oblysyna bardy. Olar Oral qalasynda etnomádenı birlestikterdiń, óndiris oryndarynyń jumysshylarymen jáne aımaqtaǵy volonterlarmen kezdesip, AES-tiń elge berer ıgiligin, onyń qosalqy salalardy damytý perspektıvalary men qaýipsizdik júıesiniń artyqshylyqtaryn talqylady.
Jalpy shtab músheleri kezdesýlerde jalpyulttyq referendým eldiń damýy jolynda sheshýshi mánge ıe ekenin, osyndaı qadamdar arqyly jańa qoǵamdyq-saıası mádenıettiń negizi qalanatynyn jan-jaqty túsindirýde. Bul isten jastar da tys qalǵan joq. «AMANAT» partııasynyń «Jastar Rýhy» jastar qanatynyń belsendileri «Esikten-esikke» akııasy aıasynda el aýmaǵynda aqparattyq úgit materıaldaryn taratý jáne japsyrýdan bólek, kanvassıng beıresmı kezdesýler ótkizýge atsalysyp jatyr. Sondaı-aq, olar áleýmettik jelilerde #QazaqstanǵaQýatBer chellendjin bastady.
Qazirgi tańda AES-ke qatysty túrli «ańyz» ben qaýesetke ermeı, ǵylymı dáleldengen jáne senimdi aqparat kózin paıdalaný óte mańyzdy. Sondyqtan da Halyqtyq shtab elimizde 6 qazanda ótetin referendýmǵa arnalǵan https://aes2024.kz biryńǵaı aqparattyq saıtyn iske qosty. Munda saladaǵy sońǵy jańalyqtar men júrgizilgen áleýmettik saýalnamalardyń qorytyndylary, ózge elderdiń tájirıbeleri, sarapshylardyń pikirleri sııaqty jáne t.b. mol aqparatpen tanysýǵa bolady. Sondaı-aq, barlyq áleýmettik jelide AES salýdy qoldaý jónindegi Halyqtyń shtabtyń paraqshalary jumys istep tur. YouTube arnasyna, Instagram, Facebook, TikTok paraqshalaryna jáne Telegram arnasyna jazylyp alyńyz.
Batyl sheshimder ýaqyty!
Daıyndaǵan: Nur Media JShS.
Tapsyrys berýshi: M.Ospanov
«AMANAT» partııasy qoǵamdyq
birlestiginiń qarajaty esebinen tólendi
