انە-مىنە دەگەنشە رەفەرەندۋم كۇنى تاياپ قالدى. قازاننىڭ العاشقى جەكسەنبىسىندە ەل بولاشاعى ءۇشىن ماڭىزدى شەشىم قابىلدانادى. وسىعان دەيىن ءۇش رەفەرەندۋم وتكىزگەن قازاقستاندا بۇل جولى ەكونوميكالىق دامۋعا تىكەلەي اسەر ەتەتىن ەلىمىزدىڭ ەنەرگەتيكالىق بولاشاعى ايقىندالماق.
«ءبىز ماڭىزدى ستراتەگيالىق ماسەلەلەرگە قاتىستى تۇپكى شەشىمدى رەفەرەندۋم ارقىلى قابىلداۋىمىز قاجەت. بۇل – 2019 جىلى سايلاۋ الدىندا مەنىڭ حالىققا بەرگەن ۋادەم», - دەگەن مەملەكەت باسشىسى قاسىم-جومارت توقاەۆ پرەزيدەنتتىك قىزمەتىنىڭ العاشقى كۇندەرىنەن باستاپ-اق قوعامنىڭ ءوزىن-ءوزى ۇيىمداستىرۋ تەتىكتەرىن بەلسەندى تۇردە ىلگەرىلەتىپ كەلەدى. پرەزيدەنت وسى ۇستانىمىن بيىلعى جولداۋىندا تاعى دا راستاپ، اەس سالۋعا قاتىستى بارىنشا بايىپتى شەشىم قابىلداۋ قاجەت ەكەنىن ايتتى.
ماسەلەنىڭ ماڭىزدىلىعىن ەسكەرگەن ەلىمىزدەگى بەدەلدى ساياسي جانە قوعامدىق ۇيىمدار اەس سالۋدى قولداۋ جونىندەگى حالىقتىق شتابقا بىرىكتى. ولار جۇرتشىلىقتى اەس سالۋ جونىندەگى پروگرەسسيۆتى يدەيا توڭىرەگىندە توپتاستىرۋدى ماقسات ەتىپ، ەلىمىزدىڭ تۇكپىر-تۇكپىرىندە ءتۇسىندىرۋ جۇمىستارىن جۇرگىزىپ جاتىر.
حالىقتىق شتابتىڭ العاشقى وتىرىسىندا ءماجىلىس سپيكەرى، «AMANAT» پارتياسىنىڭ توراعاسى ەرلان قوشانوۆ بۇگىندە ەنەرگەتيكالىق تاۋەلسىزدىك ماسەلەسى كۇن تارتىبىندە العاشقى ورىنعا شىققانىن اتاپ ءوتتى.
«ءبىزدىڭ ارقايسىمىز بالالارىمىزدىڭ قۋاتتى جانە ەشكىمگە مۇقتاج بولمايتىنداي تاۋەلسىز مەملەكەتتە ءومىر سۇرگەنىن قالايمىز. اەس سالۋ تۋرالى شەشىمدى قابىلداي وتىرىپ، ءبىز وسى اسقاق ارمانىمىزعا قاراي قادام جاسايمىز. ءبىز ەلدىڭ ەنەرگەتيكالىق تاۋەلسىزدىگىن شەگەلەپ بەكىتەمىز. بولاشاق ۇرپاققا ەنەرگەتيكالىق تۇرعىدان تاۋەلسىز، ياعني ەكونوميكاسى تۇراقتى جانە وركەندەگەن قازاقستاندى مۇرا ەتىپ قالدىرامىز»، - دەدى ول.
قازىر ەل اۋماعىندا اتوم ەنەرگەتيكاسى ماسەلەلەرى بويىنشا اۋقىمدى قوعامدىق تىڭداۋلار ءوتىپ جاتىر. ەكونوميكانى دامىتىپ، بىرقاتار ەكولوگيالىق ماسەلەنى شەشۋ ءۇشىن تۇراقتى جانە قاۋىپسىز ەنەرگيا كوزى قاجەت ەكەنى جۇرتشىلىققا كەڭىنەن تۇسىندىرىلۋدە. سونىڭ ارقاسىندا قازىر قوعامدا اەس سالۋدى قولداۋشىلار قاتارى كوبەيگەن. بۇل سوزىمىزگە ەلىمىزدە جۇرگىزىلگەن الەۋمەتتىك زەرتتەۋلەر دالەل بولا الادى. «AMANAT» پارتياسىنىڭ قوعامدىق ساياسات ينستيتۋتى جۇرگىزگەن الەۋمەتتىك ساۋالناما ناتيجەسى بويىنشا رەسپوندەنتتەردىڭ 59,3%-ى قازاقستاندا اەس سالۋدى قولدايدى.
رەسپۋبليكالىق حالىقتىق شتاب وكىلدەرى وسىعان دەيىن تۇركىستان، قاراعاندى، جامبىل، ۇلىتاۋ، الماتى، اتىراۋ، قىزىلوردا، سولتۇستىك قازاقستان وبلىستارىنا جانە الماتى مەن شىمكەنت قالالارىنا ارنايى باردى. ولار قالالار مەن وبلىس ورتالىقتارىنا عانا ەمەس، شالعاي ەلدى مەكەندەردى دە ارالاپ، ەڭبەك ۇجىمدارىمەن، وڭىردەگى بەلسەندى ازاماتتارمەن جانە جالپى جۇرتشىلىقپەن اشىق ديالوگ جۇرگىزۋدە.
سەنات توراعاسى ماۋلەن اشىمباەۆ باستاعان دەپۋتاتتار، ساراپشىلار جانە قوعام قايراتكەرلەرى پاۆلودار، اقسۋ قالالارىندا بولىپ، ەنەرگەتيكالىق كورپوراتسيانىڭ ۇجىمىمەن، مەتاللۋرگيا سالاسىندا ەڭبەك ەتەتىن ماماندارمەن، وڭىردەگى ساراپشىلار قاۋىمداستىعىمەن جانە جاستارمەن جۇزدەستى.
«قازاقستاننىڭ ەنەرگەتيكالىق قاۋىپسىزدىگىن نىعايتۋ جولىندا ءوز اتوم ەلەكتر ستانساسىن سالۋ ماسەلەسى وتە وزەكتى. مۇنداي جوبا مىڭداعان جاڭا جۇمىس ورنىن اشۋعا مۇمكىندىك بەرەدى. سونداي-اق ەلىمىزدىڭ ەلەكتر ەنەرگياسىنىڭ يمپورتىنا تاۋەلدىلىكتى ازايتۋ باعىتىنا دا مۋلتيپليكاتيۆتى اسەر ەتەدى. مۇنداي قادام جوعارى بىلىكتى ماماندار دايارلاۋعا، قازاقستان ەكونوميكاسىنىڭ يننوۆاتسيا مەن عىلىمدى قاجەت ەتۋىن ارتتىرۋعا دا تىڭ سەرپىن بەرەتىنى انىق»، – دەگەن ماۋلەن اشىمباەۆ كەزدەسۋگە قاتىسۋشىلاردى مەملەكەت باسشىسىنىڭ اەس سالۋ تۋرالى باستاماسىن قولداۋعا، سول ارقىلى ەلدىڭ دامۋىنا ءوز ۇلەستەرىن قوسۋعا شاقىردى.
سونىمەن قاتار، قۇرامىندا ب.ىزمۇحامبەتوۆ، س.يماشەۆا، ن.سارسەنعاليەۆ، ە.سايروۆ سياقتى بىرقاتار حالىق قالاۋلىسى مەن يادرولىق ەنەرگەتيكا سالاسىنىڭ ساراپشىلارى بار حالىقتىق شتابتىڭ تاعى ءبىر توبى باتىس قازاقستان وبلىسىنا باردى. ولار ورال قالاسىندا ەتنومادەني بىرلەستىكتەردىڭ، ءوندىرىس ورىندارىنىڭ جۇمىسشىلارىمەن جانە ايماقتاعى ۆولونتەرلارمەن كەزدەسىپ، اەس-ءتىڭ ەلگە بەرەر يگىلىگىن، ونىڭ قوسالقى سالالاردى دامىتۋ پەرسپەكتيۆالارى مەن قاۋىپسىزدىك جۇيەسىنىڭ ارتىقشىلىقتارىن تالقىلادى.
جالپى شتاب مۇشەلەرى كەزدەسۋلەردە جالپىۇلتتىق رەفەرەندۋم ەلدىڭ دامۋى جولىندا شەشۋشى مانگە يە ەكەنىن، وسىنداي قادامدار ارقىلى جاڭا قوعامدىق-ساياسي مادەنيەتتىڭ نەگىزى قالاناتىنىن جان-جاقتى تۇسىندىرۋدە. بۇل ىستەن جاستار دا تىس قالعان جوق. «AMANAT» پارتياسىنىڭ «جاستار رۋحى» جاستار قاناتىنىڭ بەلسەندىلەرى «ەسىكتەن-ەسىككە» اكتسياسى اياسىندا ەل اۋماعىندا اقپاراتتىق ۇگىت ماتەريالدارىن تاراتۋ جانە جاپسىرۋدان بولەك، كانۆاسسينگ بەيرەسمي كەزدەسۋلەر وتكىزۋگە اتسالىسىپ جاتىر. سونداي-اق، ولار الەۋمەتتىك جەلىلەردە #قازاقستانعاقۋاتبەر چەللەندجىن باستادى.
قازىرگى تاڭدا اەس-كە قاتىستى ءتۇرلى «اڭىز» بەن قاۋەسەتكە ەرمەي، عىلىمي دالەلدەنگەن جانە سەنىمدى اقپارات كوزىن پايدالانۋ وتە ماڭىزدى. سوندىقتان دا حالىقتىق شتاب ەلىمىزدە 6 قازاندا وتەتىن رەفەرەندۋمعا ارنالعان https://aes2024.kz بىرىڭعاي اقپاراتتىق سايتىن ىسكە قوستى. مۇندا سالاداعى سوڭعى جاڭالىقتار مەن جۇرگىزىلگەن الەۋمەتتىك ساۋالنامالاردىڭ قورىتىندىلارى، وزگە ەلدەردىڭ تاجىريبەلەرى، ساراپشىلاردىڭ پىكىرلەرى سياقتى جانە ت.ب. مول اقپاراتپەن تانىسۋعا بولادى. سونداي-اق، بارلىق الەۋمەتتىك جەلىدە اەس سالۋدى قولداۋ جونىندەگى حالىقتىڭ شتابتىڭ پاراقشالارى جۇمىس ىستەپ تۇر. YouTube ارناسىنا, Instagram, Facebook, TikTok پاراقشالارىنا جانە Telegram ارناسىنا جازىلىپ الىڭىز.
باتىل شەشىمدەر ۋاقىتى!
دايىنداعان: Nur Media جشس.
تاپسىرىس بەرۋشى: م.وسپانوۆ
«AMANAT» پارتياسى قوعامدىق
بىرلەستىگىنىڭ قاراجاتى ەسەبىنەن تولەندى
