Mäjılıs deputaty Ermūrat Bapi futboldan Qazaqstan qūramasynyŋ bapkerı Stanislav Cherchesovke tıldı syilap, komandaǧa qūrmetpen qarauǧa keŋes berdı, dep habarlaidy “Adyrna” ūlttyq portaly.
«Cherchesovke ülken sälem. Men Cherchesovke keŋes berer edım. Onyŋ familiiasynan köp närse aŋǧarylady. Ol jattyqtyruşylyq qyzmetın ǧana emes, Qazaqstannyŋ «ūlttyq» qūramasy atanǧan komandany da qūrmetteuge jäne oǧan tolyq jauapkerşılıkpen qarauy kerek. Ol klubty emes, ūlttyq qūramany jattyqtyruǧa keldı. Al ūlttyŋ basty qasietınıŋ bırı – tıl. Ūlttyq qūramanyŋ bapkerıne şaqyrsa, tılge qūrmetpen qara», – dedı Bapi särsenbı künı Mäjılıs syrtynda.
Eske salaiyq, būǧan deiın Cherchesov qazaqstandyq jurnalistıŋ memlekettık tılde qoiǧan saualyna: «Sız qazır fransuzşa söileisız be?» degen sūraqpen jauap bergen bolatyn. Reseilık mamannyŋ mälımdemesı Qazaqstan halqynyŋ aşu-yzasyn tudyrdy.
Sonymen qatar, onyŋ mūndai mälımdeme jasauy bırınşı ret emes. 15 qazanda Turizm jäne sport ministrlıgı QFF-dan Cherchesovtyŋ qazaq tılındegı sūraqqa qatysty mälımdemesıne tüsınıkteme talap ettı.
Aita keteiık, mausym aiynda Cherchesov Qazaqstan futbol qūramasynyŋ jattyqtyruşysy bolyp taǧaiyndalǧannan keiın QFF atqaru komitetınen segız adam ketken bolatyn.
Bügınge deiın Cherchesovtyŋ jetekşılıgımen Qazaqstan UEFA Ūlttar ligasy aiasynda tört resmi match ötkızıp, FİFA reitingınde 109 oryndy ielendı.
