Májilis depýtaty Ardaq Nazarov eks-prezıdent Nursultan Nazarbaevtyń kenje qyzy Álııa Nazarbaevanyń oqqaǵary bolǵanyn joqqa shyǵardy, dep habarlaıdy “Adyrna” ulttyq portaly.
Baspasóz betterinde, jelide qazirgi depýtattyń buryn sportshy kezinde Álııa Nazarbaevany qorǵaǵany jıi jazylady
«Men Nazarbaevtyń otbasynan eshkimmen baılanysqan emespin. Nursultan Nazarbaevtyń ózimen de kezdesken emespin. Álııanyń atyn estigenim bolmasa, oqqaǵary bolmaǵanmyn. Ózderińiz biletindeı, 10 jyl kásibı sportshy retinde sportzalda júrdim. Shetelde jarystarǵa qatystym. Sol kezdegi aqparattarda «oqqaǵary» dep jazylǵan. Alaıda ondaı jumys istemegenmin», - deıdi Ardaq Nazarov.
Májilis depýtaty ózin erejesiz jekpe-jekten álemniń úsh dúrkin chempıony dep tanystyrady.
