Talǧar qalasyndaǧy "Aqbūlaq" olimpiadalyq ortalyǧynda salynatyn baza Ortalyq Aziiadaǧy alǧaşqy akademiia bolmaq. Būl turaly İspaniianyŋ EFE aqparat agenttıgı mälımdedı, dep habarlaidy “Adyrna” ūlttyq portaly.
Memleket basşysy öz Joldauynda būqaralyq sportty damytu, halyqtyŋ densaulyǧyn jaqsartu men balalar-jasöspırımder futbolynyŋ maŋyzdylyǧyn erekşe atap ötken edı. Osyǧan orai 2023 jyly Doscar Group kompaniiasy Qazaqstannyŋ İspaniiadaǧy Elşılıgımen bırlesıp, ispaniialyq "Atletiko Madrid" futbol klubymen kelıssöz bastaǧan bolatyn. Bır jyldan astam uaqytqa sozylǧan kelıssöz 10 jyldyq kelısımşartqa qol qoiumen aiaqtaldy. Osylaişa 2024 jyly Qazaqstanda "Atletiko Madrid" balalar-jasöspırımder akademiiasyn qūru turaly tarihi kelısımge qol jetkızıldı. Būl TMD men Ortalyq Aziiadaǧy ispaniialyq klubtyŋ alǧaşqy resmi akademiiasy bolmaq. "Atletiko Madrid" futbol klubynyŋ prezidentı Enrike Sereso 2024 jyldyŋ mausym aiynda Qazaqstanǧa kelıp, jobany talqylau üşın Memleket basşysy Qasym-Jomart Toqaevpen de kezdesken edı. Sonyŋ nätijesınde kelısımşartqa qol qoiylyp, akademiia "Aqbūlaq" olimpiadalyq ortalyǧynyŋ aumaǧynda ornalasatyn boldy. Akademiia bolaşaq futbol jūldyzdaryn daiyndaudyŋ erekşe ortalyǧy boluǧa uäde beredı. "Atletiko Madrid Qazaqstan" Akademiiasy öz aldyna aiqyn mındet qoiyp otyr. Naqty aitqanda - älemdık futbol qauymdastyǧy moiyndaǧan ädıstemeler negızınde joǧary sapaly futbol bılımın ūsynu. İspaniiadan kelgen käsıbi jattyqtyruşylar är oquşymen jeke jūmys ıstep, olardyŋ tehnikalyq jäne taktikalyq daǧdylaryn damytady. Akademiianyŋ negızgı jattyqtyruşylar qūramy İspaniiadan kelgen sertifikattary bar mamandar bolmaq. Qazaqstan men Ortalyq Aziianyŋ barlyq öŋırlerınen balalardy ırıktep, keiın Europanyŋ futbol alaŋdarynda özın körsetuge mümkındık alatyn neǧūrlym talantty balalardy ispaniialyq jattyqtyruşylar men mamandardyŋ özderı tıkelei jürgızedı. Qazaqstannyŋ barlyq öŋırınen kelgen balalar osy akademiiada oqyp, jattyǧa alady. Bılım aluşylardyŋ bır bölıgı tegın oquǧa grant ta alady. Al üzdık tärbielenuşıler İspaniiadaǧy "Atletiko Madrid" klubynyŋ bazasynda oquy men jattyǧuyn jalǧastyruǧa bıregei mümkındık alady. Akademiia zamanaui jattyǧu jäne oqu bazalarymen jabdyqtalady. Iаǧni tabiǧi jäne jasandy jabyny bar alaŋdar, zamanaui jattyǧu zaldary, multimediialyq oqu synyptary, oŋaltu ortalyqtary, keŋ kiım auystyratyn bölmeler, demalys aimaqtary, qonaq üi keşenı jäne jas futbolşylarǧa arnalǧan jataqhana bolady. Akademiia bazasynda jas sportşylardyŋ halyqaralyq jarystarǧa beiımdeluın jeŋıldetu üşın aǧylşyn jäne ispan tılderı kurstary ūiymdastyrylady. Mūnyŋ bärı bolaşaq futbol jūldyzdaryn tärbieleuge oŋtaily jaǧdai jasaudyŋ joly. “Bızdıŋ akademiianyŋ Qazaqstanda aşyluy jai oqiǧa emes, būl futbol älemındegı naǧyz revoliusiia. Bız qazaqstandyq balalardyŋ zor äleuetke ie ekendıgıne senımdımız jäne bızdıŋ akademiia ūly futbolşylar düniege keletın orynǧa ainalady. Bız mūnda eldegı futbol deŋgeiın jaŋa biıkterge köteru üşın ädısnamamyzdy, täjıribemızdı jäne jeŋıske degen ūmtylysymyzdy äkelemız”, - deidı "Atletiko Madrid" klubynyŋ akademiiany damytu jäne halyqaralyq yntymaqtastyq jönındegı direktory Emilio Gutierrez Bolouza. Osy atalǧan kelısımnıŋ barlyǧy Doscar GROUP kompaniiasynyŋ, Qazaqstannyŋ İspaniiadaǧy Elşılıgınıŋ, Turizm jäne sport ministrlıgınıŋ, Qazaqstan futbol federasiiasynyŋ, İspaniianyŋ Qazaqstandaǧy Elşılıgınıŋ qoldauynyŋ, sondai-aq "Sport Asset Management" QB men "Atletiko Madrid" futbol klubynyŋ bırlesken küş-jıgerınıŋ arqasynda jüzege asty. Sonymen "Atletiko Madrid Qazaqstan" Akademiiasynyŋ aşyluy 2025 jylǧa josparlanyp otyr. Ol elımızdıŋ jas talanttaryna zor mümkındık bere otyryp, Qazaqstan men Ortalyq Aziiada futboldy damytu üşın quatty serpın bolmaq.Ūqsas jaŋalyqtar
