2024 jyldyŋ 16 qyrküiegınde Germaniianyŋ Federaldy kanslerı Olaf Şols Maqsut Narikbayev University studentterımen aşyq kezdesu ötkızdı. Būl Olaf Şolstıŋ Qazaqstandaǧy ekıjaqty qarym-qatynastardy nyǧaituǧa baǧyttalǧan resmi ıs-sapary aiasyndaǧy kezdesulerınıŋ bırı boldy.
MNU Basqarma Töraǧasy Talǧat Närıkbaev Federaldy kansler Şolske bügıngı kezdesu üşın jäne ekıjaqty qarym-qatynasty damytudyǧy erekşe nazaryna alǧysyn bıldırdı.
«Bügın sızdı universitet qabyrǧasynda qarsy alu - bız üşın ülken märtebe. Bız öz kezegımızde jahandyq üderıske baǧdar alǧan bılım beru jüiesın damytyp jatqanymyzdy maqtan tūtamyz. Jaqynda akademiialyq bailanystardy nyǧaita otyryp, Frankfurttaǧy Europalyq Viadrina Universitetımen kelısımge qol qoidyq. Nemıs universitetterı jäne elşılıkpen ärıptestık – Qazaqstan men Germaniia arasyndaǧy qarym-qatynastardy damytuǧa qosqan ülesımız. Osy oraida sızge uaqyt bölıp kelgenıŋızge alǧysymyzdy bıldıremız. Būl dialogtyŋ bızdıŋ studentter üşın asa maŋyzdy bolatynyna senımdımın», - dedı Basqarma Töraǧasy.
Kezdesu barysynda Olaf Şols universitet studentterımen aşyq sūraq-jauap sessiiasyn ötkızdı. Is-şara aiasynda halyqaralyq saiasattyŋ özektı taqyryptary, Qazaqstan-Germaniia yntymaqtastyǧynyŋ keleşegı, qarqyndy tehnologiialyq jäne äleumettık özgerıster däuırınde jastar aldynda aşylatyn jahandyq syn-qaterler men mümkındıkter talqylandy.
Kansler MNU studentınıŋ Qazaqstan men Germaniianyŋ odan ärı yntymaqtastyǧy turaly sūraǧyna jauap bere otyryp, elder arasyndaǧy aqparat pen täjıribe almasudyŋ erekşe ekendıgın atap öttı.
«Būl ekıjaqty damuǧa yqpal etıp qana qoimai, özara paidaly boluǧa mümkındık beredı. Sebebı yntymaqtastyq jäne mümkındıktermen almasu - älemdık özara bailanystyŋ negızgı aspektılerıne ainaluda. Germaniia öz kezegınde qazırgı zamanda halyqaralyq qatynastarda şeşuşı röl atqaratyn tetıktıŋ bırı, iaǧni aqparat almasuǧa jäne serıktestık qatynastaryn nyǧaituǧa ärdaiym aşyq», - dedı ol.
Sonymen qatar Şols qūqyqtyq sauattylyqtyŋ maŋyzdylyǧyn atap öttı. Ol bılım beru mekemelerı men BAQ adamdarǧa öz qūqyqtary men zaŋnamalaryn jaqsy tüsınuge kömektesuı kerektıgın aitty. Onyŋ pıkırınşe, qūqyqtyq sauatsyzdyqpen küresu – adamdarǧa öz qūqyqtary men mümkındıkterın tolyq paidalanuǧa kömektesedı.
Olaf Şolstyŋ sapary Maqsut Narikbayev University men Qazaqstannyŋ joǧary bılım beru jüiesı üşın maŋyzdy oqiǧa boldy. Būǧan deiın universitet Fransiia Prezidentı Emmaniuel Makron jäne NATO-nyŋ qazırgı Bas hatşysy Mark Riutte siiaqty älemdık köşbasşylardy qabyldady, būl öz kezegınde MNU-dıŋ halyqaralyq akademiialyq almasu ortalyǧy retındegı märtebesın rastaidy. Mūndai älemdık deŋgeidegı köşbasşylarmen kezdesuler studentterge baǧa jetpes täjıribe ūsynady. Sondai-aq olardyŋ kökjiegın keŋeitıp, jahandyq üderısterdı tereŋırek tüsınuge kömektesedı.
