Qasym-Jomart Toqaev Ulttyq olımpıada komıtetiniń prezıdenti Gennadıı Golovkındi qabyldady. Bul týraly Aqorda jarııalady, dep habarlaıdy “Adyrna” ulttyq portaly.
Kezdesýde memleket basshysy Ulttyq olımpıada komıtetiniń aldaǵy jumysynyń basym baǵyttaryna nazar aýdardy. Ol aldymen Halyqaralyq olımpıada komıteti aıasyndaǵy senimdi jáne tıimdi qarym-qatynasty nyǵaıtý mańyzdy ekenin atap ótti.
Qasym-Jomart Toqaev ulttyq quramalardaǵy sportshylardyń aldaǵy XXXII jazǵy Olımpıada oıyndaryna daıarlyǵyna qatysty zor jaýapkershilik júkteletinin eske saldy. Sonymen qatar lıenzııalar sanyn kóbeıtýdiń jáne Parıj Olımpıadasynda eleýli nátıjege qol jetkizý úshin tıimdi júıe qurýdyń mańyzdy mindet ekenine toqtaldy.
Memleket basshysynyń aıtýynsha, óz áleýetin tanytý úshin sportshylarǵa barynsha qolaıly jaǵdaı jasap, otandyq sporttyń órkendeýine keri áser etetin jaǵymsyz qubylystardy joıý qajet. Sondaı-aq ulttyq quramaǵa sportshylardy irikteý ádil júrgizilýi kerek.
Kezdesý sońynda Qasym-Jomart Toqaev Gennadıı Golovkınniń kásibıligi men mol tájirıbesi elimizdegi olımpıadalyq sport túrlerin damytýdyń ózekti máselelerin tıimdi sheshýge yqpal etetinine senim bildirdi.
