Prezıdent Qasym-Jomart Toqaev óziniń halyqqa Joldaýynda: «Bilim berý júıesi- ult sapasyn sala ult sapasyn jaqsartý isinde asa mańyzdy ról atqarady.Sondyqtan, mektepke deıingi tárbıe jumysy basty nazarda bolýy kerek. Balalardy balabaqshamen qamtamasyz etý máselesin túpkilikti sheshý qajet.»,-dep qadap aıtqan edi. Memleket basshysynyń bul sózin iri megapolısterde birden basshylyqa alynyp jatyr. Bul qatarda Almaty qalasy da bar , dep habarlaıdy "Adyrna" portaly.
Búldirshinderdi balabaqshamen qamtý isi Almaty qalasynda qarqyn alýda. Bul týraly Almaty qalasynyń ákimi Erbolat Dosaev Túrksib aýdanynynyń turǵyndarymen kezdesý kezinde málimdedi.
Shahar basshysynyń sózine súıensek, aldaǵy ýaqytta turǵyndar qýanyshy eselene túspek. Óıtkeni, 730 oryndyq 3 birdeı memlekettik balabaqsha salý josparlanýda. Bunyń byrlyǵy mektepke deıingi uıymdardaǵy oryn tapshylyǵyn qysqartý maqsatynda iske asyrylmaq.
Sonymen qatar, Qaırat shaǵyn aýdanynda 260 oryndyq bala baqsha qurylysy 2023 jyly aıaqtalady dep kútilýde.
Esterińizge salamyz, Prezıdent Qasym-Jomart Toqaev 2022 jylǵy 1 qyrkúıektegi Joldaýynda: "2025 jylǵa deıin 800 myń bala zamanaýı mektepke oqýy kerek, biz soǵan jaǵdaı jasaımyz degen edi. Sonyń nátıjesinde apatty jaǵdaıdaǵy jáne úsh aýysymmen oqıtyn mektep máselesin tolyq sheshiledi",- degen bolatyn.
Memleket basshysynyń bul pármeni de Almaty qalasynda der kezinde júzege asýda. Naqtyraq aıtar bolsaq, Túrksib aýdanyndaǵy turǵyndardy alańdatqan mekteptegi oryn sanynyń tapshylyǵy óz sheshimin tappaq. Búgińde Túrksib aýdanynda 1350 oryndyq 3 mektepti – №59, №195 jáne №198 keńeıtý boıynsha jumystar júrgizilýde. Sondaı-aq, №59 mektep-gımnazııasynyń aýmaǵynda qazan aıynda 300 oqýshyǵa arnalǵan jańa ǵımarat pen qosymsha qurylys salynady.
Aıta keteý kerek, bul rette eski ǵımarattyń bir bóligi buzylady. №195 jáne №198 mektepter boıynsha 1050 oryndy qosalqy nysandar qurylysynyń JSQ ázirlený ústinde. JSQ-ny 2023 jylǵy shildede aıaqtaý josparlanýda. Sondaı-aq jyl sońyna deıin Qaırat shaǵyn aýdanynda 1500 oryndyq mektepti paıdalanýǵa berý josparlanýda.
