Astananyń tártip saqshylary Pákistannan kelgen týrısterdi Qazaqstannan májbúrli túrde shyǵardy. Bul týraly Polisia.kz málimdedi, dep habarlaıdy “Adyrna” ulttyq portaly.
Málimet boıynsha, jedel-profılaktıkalyq is-shara barysynda kóshi-qon qyzmetiniń qyzmetkerleri kóshi-qon zańnamasyn buzǵan Pákistannyń bes azamatyn anyqtady. Sheteldikterdiń elorda aýmaǵyna týrıstik vıza arqyly kirgeni jáne belgilengen merzimde elden shyqpaǵany belgili boldy.
“Mıgranttar Qazaqstannan kúshtep shyǵaryldy. Saqshylar týrısterdi áýe reısimen Pákistanǵa jiberdi”, – delingen aqparatta.
Astana qalasynyń polıııa departamenti kósheler men qoǵamdyq oryndarda quqyqtyq tártipti qamtamasyz etý, zańsyz kóshi-qondy anyqtaý jáne jolyn kesý maqsatynda 14-18 qazan aralyǵynda jedel-profılaktıkalyq is-shara ótkizip jatyr. Shara bastalǵannan beri tártip saqshylary kóshi-qon zańnamasyn buzǵan 217 sheteldik pen 27 QR azamatyn anyqtady. Kóshi-qon zańnamasyn buzǵany úshin 23 shetel azamaty elden shyǵaryldy.
