AQŞ prezidentı Donald Tramp jaqyn arada Resei basşysy Vladimir Putinmen kezdespeidı. Būl turaly Aq üi aitty, dep habarlaidy «Adyrna» tılşısı CBS-ke sılteme jasap.
«Jaqyn uaqytta Tramp pen Putinnıŋ kezdesuın ötkızu josparlanyp otyrǧan joq», — delıngen habarlamada.
Eske salaiyq, 16 qazanda Putin men Tramp telefon arqyly söilesıp, Ukrainadaǧy jaǧdaidy talqylaǧan edı. Keiınnen köşbasşylardyŋ aldaǧy ekı apta ışınde Budapeştte jeke kezdesu ötkızuge kelısımge kelgenın aityldy, alaida naqty uaqyty belgılenbegen bolatyn. Al 17 qazanda Tramp Aq üide Zelenskiimen jolyqqan edı.
Budapeştegı kezdesu bola qalsa, Zelenskii oǧan özınıŋ de qatysa alatynyn mälımdegen.
Al Europa elderı Budapeştke Putinnıŋ ūşaǧyn ötkızbeitının jariialaǧan. Litva tıptı "Putinge Europada tek Gaagada oryn baryn" jariialaǧan, Halyqaralyq qylmystyq sotqa megzep. Halyqaralyq qylmystyq sot Putin barsa, sol elderdı ony ūstap sotqa tapsyruǧa mındettegen. Putin taiauda Duşanbege saparlaǧan kezınde Halyqaralyq qylmystyq sot Putindı ūstamaǧany üşın Täjıkstandy aiyptaǧan.
