Elimizde 1-13 qyrkúıek aralyǵynda kóshpendiler oıyndary ótip, shetelden 597 myń týrıst keldi, dep habarlaıdy "Adyrna" ulttyq portaly týrızm jáne sport mınıstrligine siltep.
68 myń saıahatshy Astana jáne Almaty halyqaralyq áýejaılary arqyly, 529 myń týrıst avto jáne temir jol kóligimen kelgen.
"Sheteldik týrısterdiń elimizde jumsaǵan jalpy shyǵyny: 15,5 mln AQSh dollary (7,5 mlrd teńge). Alys shetelden kelgen týrısterdiń ortasha shyǵyny: 1500 AQSh dollary. Kóshpendiler oıyndaryna kelgen týrısterdiń Qazaqstan ekonomıkasyna qosqan úlesi: 625 000 AQSh dollary", - delingen mınıstrlik keltirgen málimette.
Al Astanada ótken oıyndarǵa memlekettik bıýdjetten 5,7 mıllıard teńge jumsalǵan.
Alǵashynda bılik shamamen 7 mıllıard teńge jumsamaq bolǵan, biraq sý tasqyny saldarynan bıýdjet qysqartyldy.
Eń kóp týrıster Qytaıdan (33 myńnan astam), Úndistannan (6 myńnan astam) jáne Germanııadan (4 myńnan astam) keldi.
5-shi Dúnıejúzilik kóshpendiler oıyndary aıasynda sporttyń 21 túrinen 97 medal jıyntyǵy sarapqa salyndy. V Dúnıejúzilik kóshpendiler oıyndarynda jalpy júlde qory 253 mıllıon teńgeni qurady.
