Kaztalov audanynda «Qaladan-auylǧa» baǧdarlamasy qarqyndy jürgızılude. Öŋırlık baǧdarlama aiasynda Bolaşaq auyldyq okrugınıŋ Jaŋataŋ jäne Köpkütır eldı mekenderınen 4 otbasy jaŋa baspanaǧa ie boldy. Baspanaly bolǧan otbasylardy oblys äkımı Nariman Töreǧaliev qūttyqtap, tūrǧyn üi kıltın saltanatty türde tabystady.
— Öŋırımızde Memleket basşysynyŋ tapsyrmasymen bırqatar infraqūrylymdyq jobalar, memlekettık baǧdarlamalar jüzege asuda. Onyŋ syrtynda öŋırlık baǧdarlamalarymyzdy da ıske qosyp jatyrmyz. Sonyŋ ışınde «Qaladan auylǧa» baǧdarlamasy jas otbasylar üşın, halyqtyŋ äl-auqatyn arttyru jäne auyldar men eldı mekenderdı damytuǧa sep bolady. Baǧdarlama aiasynda Kaztalov audanyna köşıp kelgen jas otbasylardy qūttyqtaimyn! Şaŋyraqtaryŋyz berekelı bolyp, quanyş pen şattyqqa tolsyn!, — dedı oblys äkımı.
Audanda joba ıske asyrylatyn auyldarda 16 tūrǧyn üi satyp alynuda. Bügıngı künı, auyldarǧa qūramynda 78 adam bar (sonyŋ ışınde 50 bala) 14 otbasy köşıp kelıp, uaqytşa üilerge ornalastyryldy. Barlyq otbasylar tūraqty jūmyspen qamtylyp, mektep jasyndaǧy 24 bala mektepke, 25 bala mektepke deiıngı ūiymdarǧa ornalasty.
Jaŋataŋ eldı mekenındegı saltanatty ıs-şarada Sisenovtar men Sündetovter otbasy (Jaŋataŋ eldı mekenı), Jakupovtar men Abdrahmanovtar (Köpkütır eldı mekenı) otbasy jaŋa baspanaǧa ie boldy. Baǧdarlamanyŋ igılıgın körıp otyrǧan Sisenovtar janūiasynyŋ otanasy Şynarai Töremūratova quanyşymen bölısıp, oblys basşylyǧyna rizaşylyǧyn bıldırdı.
— Oblys äkımı Nariman Töreǧaliūlynyŋ bastamasymen jüzege asyp jatyrǧan jobanyŋ naqty jemısın bügıngı kılt alyp jatyrǧan jas otbasylarmen bırge bızdıŋ otbasy da körude. Sol üşın oblys basşylyǧyna barşa «Qaladan-auylǧa» baǧdarlamasyna qatysuşy otbasylardyŋ atynan şynaiy rizaşylyǧymyzdy bıldıremız. Bız osy baǧdarlama arqyly Kaztalov audanynyŋ Jaŋataŋ auylyna aqpan aiynyŋ basynda köşıp kelgen bolatynbyz. Qaladan köşıp kelu barysynda jergılıktı atqaruşy organdar barlyq mümkındıktı qarastyryp, uaqytşa tūrǧyn üimen jäne siyr, qoi men eşkı maldarymen qamtamasyz ettı. Qazır sol tört tülıktıŋ igılıgın körıp otyrmyz. Joldasym Aiat ekeuımızdı tūraqty jūmysqa da ornalastyrdy. Joldasym merdıgermen bırge osy üidıŋ salynuyna atsalysty, bızdıŋ otbasymyz üşın būl üi öte ystyq. Özegınen teppei, qūşaq jaia qarsy alǧan auyl halqyna da alǧysymyz şeksız!, — dedı ol.
Saltanatty ıs-şarada jas otbasylarǧa tūrǧyn üi kıltımeni qatar, ekı bas ırı qara jäne 10 bas iiqoi men eşkınıŋ sertifikaty tabystaldy. Al auyldyŋ batagöi aqsaqaly Musin Esmaǧūl jas otbasylarǧa aq batasyn berdı.
Aita keteiık, qos eldı mekende tūrǧyn üi qūrylystaryn jerlesterımız, jeke investorlar Meiırbek Fatihov jäne Amanjol Kereev jürgızdı.
Ūqsas jaŋalyqtar
