“Jüregım auyrady”. Betperdelı jıgıt jalǧyzbasty äkege kömektestı

Betperde taqqan jıgıt densaulyǧy naşar jalǧyzbasty äkege kömek berdı, dep habarlaidy “Adyrna” ūlttyq portaly.

Betperdelı jıgıt egıstıkke arnaiy baryp, Mergen esımdı adamdy ızdegen. Sebebı er adam — üş balasy bar jalǧyzbasty äke. Mergennıŋ ekı de közı naşar (-9) köretın bolyp şyqty. Odan bölek, azamattyŋ ūly — üşınşı top mügedegı. Üş balasy bar äke jūbaiy men törtınşı balasynan aiyrylǧan.

"Jaqynda joldasym ömırden ozdy. Işınde 3,5 ailyq säbimen kettı. Özım jaldamaly jūmysşy bolyp ısteimın. Qazır egıstıkte qyryqqabat teremız. Ekı közım de — minus 9. Ülken balam da ihtioz degen aurumen auyrady. Denesınde qara daqtary bar. Basymda baspana joq. "Vremiankada" tūramyz. Onda gaz joq", - dedı Mergen.

Azamat äielınıŋ ölımın qabyldai almai jürgenın aityp, közıne jas aldy. Betperde taǧyp, jüzın jasyrǧan jıgıt jalǧyzbasty äkege qomaqty qarjy ūstatyp, özınıŋ jäne balasynyŋ emıne ekenın aitty. Sondai-aq jıgıt er adamǧa öz käsıbın aşuǧa kömektesuge uäde berıp, üidıŋ kıltın de tabystady.