AQŞ Qazaqstan Ükımetımen jer uchaskesın aluǧa kelısım jasasqany mälım boldy, dep habarlaidy "Adyrna" ūlttyq portaly.
QazTAG mälımetınşe, Almaty qalasynan 49 jylǧa jerdı jalǧa alu jobasy maqūldanǧan.
«Qazaqstan Respublikasynyŋ Ükımetı men Amerika Qūrama Ştattarynyŋ Ükımetı arasyndaǧy Amerika Qūrama Ştattarynyŋ Ükımetıne Almaty qalasyndaǧy AQŞ-tyŋ konsuldyq mekemesınıŋ ǧimaratyn salu üşın jer uchaskesın jalǧa beru turaly kelısımnıŋ jobasy maqūldansyn», – delıngen Qazaqstan Ükımetınıŋ qaulysynda.Kelısım jobasyna säikes Qazaqstan Ükımetı AQŞ Ükımetıne Jamaqaeva köşesı, Äl-Farabi daŋǧyly, Seifullin daŋǧyly, Aldara Köse köşesınıŋ arasynda ornalasqan jer uchaskesın jalǧa beredı. Uchaske audany – 70 593 şarşy metr.
«Bastapqy 49 jyldyq jaldau merzımı jäne barlyq keiıngı 49 jyldyq jaŋartu kezeŋderı üşın jerdı jalǧa alu aqysy (jalpy ūzaqtyǧyna şekteusız) $25 301 016 qūraidy jäne osy kelısım küşıne engen künnen bastap 30 küntızbelık kün ışınde bır rettık tölemmen tölenedı», – delıngen kelısım jobasynda.AQŞ pen Qazaqstan ekonomikalyq tūrǧydan serıktes elder. 2024 jyldyŋ bırınşı jartyjyldyǧynda Qazaqstannan AQŞ-qa jıberılgen tauar kölemı 888,8 million dollarǧa jetkenı habarlandy.
Ūqsas jaŋalyqtar
