Bıyl Qazaqstan Armııasynyń qurylǵanyna 32 jyl tolyp otyr.
Táýelsiz Qazaqstannyń qorǵany bolǵan Qarýly Kúshteri qurylǵaly shekara shegendelip, eldiń tutastyǵy arta tústi. 30 jyldan astam ýaqyt bir ǵasyrǵa jýyq ýaqytpen teń deýge de bolady.
Sebebi táýelsizdigin endi alyp, óz aldyna "memleket" bolǵan Qazaqstanda jańadan mınıstrlikter qurylyp, eldiń qorǵanys doktrınasy qabyldanyp, túrli qurylymdyq júıelerdi quryp, ári sap túzegen áskerdi zamanýı qarý-jaraqpen qamtamasyz etý ońaı emes. Odan bólek armııadaǵy áleýmettik jáne qarjylyq jaǵdaıyn sheshý de óz aldyna úlken jumys.
Memlekettegi qorǵanys deńgeıiniń joǵary bolýy úshin túrli sharalar kesheni tolyq júrgizilip, tek sol arqyly ǵana qalyptasady.
Osydan 32 jyl buryn Qazaqstannyń tuńǵysh prezıdenti Nursultan Nazarbaevtyń 7 mamyryndaǵy «Qazaqstan Respýblıkasynyń Qarýly Kúshterin qurý týraly» Jarlyǵyna saı Qarýly Kúshter sap túzedi.
Tuńǵysh prezıdentten soń Qazaqstan Respýblıkasynyń Qarýly Kúshterdiń Joǵarǵy Qolbasshysy bolyp Qasym-Jomart Toqaev bekitildi.
Prezıdent Qorǵanys mınıstrliginiń basshylyǵymen kezekti kezdesýinde eldegi sarbazdardyń jaýyngerlik qabiletin túbegeıli arttyrýdy talap etken bolatyn. Sebebi qazirde qoǵamda týyndap otyrǵan geosaıası jaǵdaımen qosa óńirlik deńgeıdegi aǵymdaǵy qaýipterdi eskere otyryp tolassyz. Ony eshkim de aldyn ala boljap bile almaıdy. Osy úshin de Qazaqstan Qarýly Kúshteriniń jaýyngerlik qabiletin túbegeıli arttyrýy talap etilip keledi.
Elimizdiń Joǵarǵy Bas qolbasshysynyń aıtýynsha, memleket basynda otyrǵandar halyqqa syrtqy jáne ishki qaýipter týraly dál ýaqytynda senimdi aqparatpen bólisip, habarlandyryp otyrýy kerek. Osy arqyly áskerı barlaýdy da kúsheıtý qajet. Toqaev Jarlyǵyna sáıkes Qarýly kúshterge arnaıy erekshe mıssııa da júktelgen.
Eń ókinishtisi elimizde birneshe jyl buryn oq-dári qoımalarynda jarylys bolyp, biraz adam zardap shekken bolatyn. Memleket basshysy da mundaı tótenshe jaǵdaılardyń qaıtalanýyna jol bermeý kerektigin myqtap eskertti. Sonymen qatar, Qazaqstan áskeriniń tehnıkalyq jáne jaýyngerlik tehnıkasyn jańartý mindeti jospardyń alǵashqy bóliginde tur. Prezıdent óz sózinde:
“Áskerlerde keńestik kezeńnen qalǵan qarý-jaraq pen oq-dárilerdiń 30-50 jyl burynǵy úlesi áli de bar. Eskirgen tehnıkanyń qyzmet etý merzimine jetý qarqynyn eskerip, qarý-jaraq parkin tolyqtyrý boıynsha shuǵyl sharalar qabyldaýymyz tıis", - dedi Prezıdent - Joǵarǵy Bas qolbasshy.
Qasym-Jomart Kemeluly Toqaev shepte boı túzegen sarbazdarmen kezdesýde jaýyngerlerge qýat beri, rýhtandyrdy. Óz sózinde Prezıdent áskerılerdiń moınyna júktelgen mindettiń aýyr da jaýapkershilikke toly ekenin eske saldy.
"Otan qorǵaýdan artyq mindet joq! Armııa – memlekettiń berik qorǵany. Búgingi ásker – baıraqty batyr babalardyń urpaǵy! Osyny eshqashan umytpaǵan jón", - dedi Prezıdent.
Qazaqstan - ulan-baıtaq jerdiń ıesi. Qanshama km jerdi qorǵaý úshin daıyndyq ta óte joǵary bolýy tıis. Sebebi Qazaqstan úshin tek óz eliniń, halqynyń ǵana tynyshtyǵy emes, tutas álemniń beıbitshiligi mańyzdy. Tutastyq pen birliktiń sımvolyna aınalǵan Qazaqstandy qorǵaý Qarýly Kúshterge mindettelgen jaýapkershiligi mol mindet.
