Kásipker Tımýr Qulybaevtyń kompanııasy Almaty ákimdiginen 34 mıllıard teńge óndirip almaq nıette ekeni aıtyldy, dep habarlaıdy "Adyrna" ulttyq portaly. Bul týraly Májilis depýtaty Baqytjan Bazarbek óz saýalynda aıtty.
Depýtattyń aıtýynsha talap ál-Farabı atyndaǵy QazUÝ-dyń jerin qaıtarý isimen baılanysty.
Májilismen óz ótinishin Bas prokýratýraǵa joldady.
"Sottyń sheshimi boıynsha bıznes ortalyq salatyn jerinen aıyrylǵan Tımýr Qulybaevtyń fırmasy Almaty ákimdigine 34 mıllıard teńge somasynda shot-faktýra jasady. Endi sottan utylǵannan keıin kompanııa bıznes ortalyqtyń qurylysyna salǵan óziniń zańsyz ınvestıııalaryn óndirip alǵysy keledi. Bul ákimdik zańsyz bergen barlyq jer ýchaskeleri jobalarǵa baılanysty", – dedi depýtat májilis otyrysynda.
2017 jylǵy 1 tamyzda Ál-Farabı atyndaǵy Qazaq ulttyq ýnıversıteti Almaty ákimdigine ál-Farabı dańǵyly, 71 mekenjaıy boıynsha jer ýchaskesiniń shekaralaryn túzetý týraly ótinishpen júgingen. Jalpy QazUÝ óz aýmaǵyn bir gektarǵa – 73,2-den 72,1 gektarǵa deıin qysqartýdy josparlaǵan edi.
