Qazaqstannyń eks-prezıdenti Nursultan Nazarbaevtyń qyzy Dınara Qulybaeva men kúıeýbalasy, mıllıarder Tımýr Qulybaev Altyn bankti satyp aldy. Bul aqparatty Qarjy naryǵyn retteý jáne damytý agenttigi rastady, dep habarlaıdy “Adyrna” ulttyq portaly.
Qarjy naryǵyn retteý jáne damytý agenttiginiń basqarmasy 7 maýsymda birqatar qaýly qabyldaǵan.
Onyń biri Tımýr Asqaruly Qulybaevqa «Altyn Bank» akıonerlik qoǵamynyń (China Citic Bank Corporation Limited EB) iri qatysýshysy mártebesin (janama) ıelenýge kelisim berý jóninde, al ekinshisi Dınara Nursultanqyzy Qulybaevanyń «Altyn Bank» akıonerlik qoǵamynyń (China Citic Bank Corporation Limited EB) iri qatysýshysy mártebesin (janama) ıelenýine kelisim beredi.
Úshinshi qaýlyda «ALMEKS» holdıngtik toby» akıonerlik qoǵamyna «Altyn Bank» (China Citic Bank Corporation Limited EB) akıonerlik qoǵamynyń bank holdıngi (janama) mártebesin ıelenýine kelisim beriletini kórsetilgen.
Osylaısha Tımýr jáne Dınara Qulybaevtar «Altyn Bank» akıonerlik qoǵamyn satyp aldy.
